A xogadora francesa Zoé Wadoux xogará a vindeira tempada no BAXI Ferrol despois do acordo ao que chegou co club ferrolán. A escolta chega procedente do Villenueve d’Ascq, equipo francés co que competiu na liga gala e na Eurocup.
A propia Wadoux declarou que chega a Ferrol porque “quero xogar para o BAXI a próxima tempada, porque falei co adestrador e o seu proxecto apra o equipo é exactamente o que estou buscando. Quero aprender e xogar ao baloncesto”.
Aínda que non xogou na LF Endesa, a francesa ten referencias da competición española: “Coñezo un pouco a liga española porque me enfrontei ás súas seleccións e sei que está entre as mellores competicións de Europa”. A nivel individual, Wadoux considera que pode aportar “a miña enerxía, a miña puntuación e as miñas vibracións positivas. Son moi traballadora e estou lista para demostrar uqe podemos facer algo bo este ano”.
Zoé Wadoux: “Espero que podamos desfrutar xuntos”
A xogadora manda tamén unha mensaxe á afección, comentando que “estou realmente emocionada de poder comezar esta tempada e de velos. Boto de menos á afección e espero que a COVID-19 nos deixe contar coa súa presenza nos partidos. Espero que podamos desfrutar xuntos”.
Wadoux chega con experiencia como internacional
A baloncestista, de 20 anos e 1,77m., conta con experiencia nas seleccións base do seu país. No ano 2016 obtivo a medalla de bronce no Europeo U16, na mesma categoría, pero no 2017, fíxose co ouro, mentres que no 2018 acadou a prata no Mundial U17.
Desde o vindeiro sábado, 26 de xuño, a francesa participará co equipo U20 no Europeo da categoría que se disputa en Samsun (Turquía) do 4 ao 14 de xullo.
Zoé Wadoux é a undécima xogadora confirmada do proyecto do BAXI Ferrol para disputar a Liga Endesa, tras as renovacóns de Jenna Allen, Natalia Rodríguez, Patri Cabrera, Suné Swart, Dynn Leaupepe e Irene Garí, ademais das fichaxes da madrileña Carmen Grande, a serbia Milica Ivanovic, a catalá Alicia Villegas e a americana Taylor Koenen.
