Un en Galicia e outro fóra. Na Superliga 2, o Autos Cancela Zalaeta volve a repetir na casa. Recibe o Torrelavega. As de Lugo, o Arenal Emevé, sen embargo, poñen rumbo para enforntarse ao pechacancelas da clasificación, o Rivas Ciudad del Deporte.
O Zalaeta volve a xogar na casa na Superliga 2
O Autos Cancela Zalaeta volve a xogar na casa este fin de semana (o sábado 29 de febreiro, ás 19.00 horas). Sobre a súa pintura reciben o CV Torrelavega. O equipo que ven de perder na xornada anterior ante o Arenal Emevé.
“É un partido de novo moi importante ante un rival que está por debaixo de nós. No caso de acadar a vitoria distánciaríamos xa de maneira casi definitiva”, dicía Jorge Barrero, o adestrador do Autos Cancela Zalaeta, para As Nosas.
As herculinas son sextas con 22 puntos e o seu rival é undécimo con 13. No encontro de ida, as da Coruña perderon na pista rival por un 3 a 2.
“Temos gañas de confirmar a melloría que se veu nos dous últimos partidos e volver a facernos fortes na casa”. As galegas venceron na xornada anterior na casa ante o Extremadura Arroyo por un 3 a 0.
Cara este partido, durante a semana tiveron a algunhas xogadoras con problemas por catarros e gripe. A máis dudosa é Patricia pero para esta cita Jorge Barrero podera contar con Cristina.
DATOS DE INTERESE
DÍA E HORA: 29 de febreiro, ás 19.00 horas.
CAMPO: Polideportivo Barrio das Flores – A Coruña.
ÁRBITROS: Carlos Alberto Cordeiro Fervenza.
INCIDENCIAS: Partido correspondente a xornada 18 da Superliga 2 de voleibol no que enfrontará ao Autos Cancela Zalaeta e o CV Torrelavega no Polideportivo Barrio das Flores.
José Valle (Emevé): “Sumar unha vitoria máis para xogar a fase de ascenso”
Trala xornada anterior, as lucenses acadaron de novo o primeiro posto da Superliga 2. Agora mesmo están un punto por riba do CV Sayre Décimas. Este fin de semana viaxan para enfrontarse o pechacancelas da táboa, o Rivas Ciudad del Deporte o sábado (29 de febreiro, ás 20.00 horas).
“O equipo atópase moi ben despois da vitoria do sábado pasado. Esta semana, a pesar do festivo, adestramos igualmente. Non temos ningunha baixa de cara a esta cita”, comentaba José Valle, o adestrador do Arenal Emevé, para As Nosas. A xornada anterior venceron na casa ante o Torrelavega por un 3 a 0.
“Afrontamos o encontro con toda a prudencia do mundo aínda que é o último clasificado. Cando veu aquí a Lugo nos puxeron as cousas difíciles porque a pesar de que nos gañaron 3 a 0 e nun sets leváronnos a un 33 a 31“, lembraba sobre a ida o técnico lucense.
O Rivas é un equipo moi defensivo. É necesario ten unha boa concentración. “A falta de atención no partido pódeche levar a comter erros”, concluía José Valle. As de Lugo buscan sumar unha vitoria máis para afianzarse dos primeiros postos e xogar o ascenso.
DATOS DE INTERESE
DÍA E HORA: 29 de febreiro, ás 20.00 horas.
CAMPO: Pavillón CEIP José Hierro.
ÁRBITROS: Héctor González.
INCIDENCIAS: Partido correspondente a xornada 18 da Superliga 2 de voleibol no que enfrontará ao Rivas Ciudad del Deporte e Arenal Emevé no Pavillón CEIP José Hierro.
