Con catro vitorias e tres derrotas, as xogadoras do Autos Cancela Zalaeta sitúanse na cuarta posición da Superliga Femenina 2 de Voleibol. Unha posición que deberán defender ante o RGC Covadonga, equipo ao que se enfrontan este sábado, ás 17:00 horas.
O conxunto asturiano chega tocado ao encontro desta fin de semana. Despois de dous duras derrotas nas que non conseguiu levarse ningún set, o Covadonga ten sede de vitoria.
Sobre todo para subir postos na clasificación, onde se atopan a tres puntos (unha vitoria de 3) do conxunto coruñés. As xogadoras do Zalaeta esperan poder continuar coas sensacións da última vitoria, fronte ao CV Torrelavega.
O último encontro das galegas estivo moi disputado e non se decidiu ata o final, algo que sen dúbida preferirán evitar para este sábado. Outro aspecto ao que deberán prestar atención son ás súas accións nos primeiros minutos, xa que ao cadro dirixido por Jorge Barrero custoulle arrincar no comezo do partido.
Esta será unha boa oportunidade para que o Zalaeta puntúe e siga na parte superior da táboa. A seguinte xornada, a décima, será todo un reto, xa que as coruñesas visitan ao líder, o Extremadura Arroyo.
O MELLOR DEPORTE PARA LOITAR CONTRA O FRIO: pic.twitter.com/Y9tspUf30F
— Club Voley Zalaeta (@CVZalaeta) December 3, 2020
