O Autos Cancela Zalaeta segue completando o seu plantel neste tramo final da Superliga Femenina 2 (SF2). A última novidade é a xogadora Carmen Carvajal, recentemente incorporada á disciplina do club coruñés.
Segundo informa o Zalaeta, a lucense de 25 anos conta xa con experiencia na categoría e tamén na Liga Iberdrola. A lucense formouse nas filas do CV Arenal Emevé, equipo co cal competiu nas dúas mellores categorías do voleibol español. Desde o seu novo club destacan, ademais da súa experiencia, o seu ataque contundente.
Nos últimos anos, Carvajal estivo competindo en Estados Unidos e estivo tamén un periodo inactiva. Porén, o seu bo rnedemento nos adestramentos permitiulle debutar xa coa camisola do equipo galego nos tres últimos partidos.
