Cara e cruz na xornada da Superliga 2. O Autos Cancela Zalaeta sobre a súa pintura vence o pechacancelas da táboa xeral, o Rivas Ciudad del Deporte, por un 3 a 0. O Arenal Emevé atópase despois da racha de vitorias coa derrota e non logra arrincarse a espiña que tiña ante o Sayre Décimas. O segundo clasificado levouse por 1 a 3 a vitoria de Lugo.
O Zalaeta impón o seu bo xogo ante o Rivas
Non fai falta seguir demostrando. O Autos Cancela Zalaeta volve a gañar sobre a súa pintura ante o Rivas Ciudad del Deporte por un 3 a 0 (25-21/ 25-149/ 25-21). Emma Ordoñez e Alba Quirós foron as máxima anotadoras con 17 e 16 puntos.
“Os 3 puntos permítenos asegurar a permanencia a tres xornadas da final. Danos moita tranquilidade para afrontar os tres últimos partidos ante o primeiro, terceiro e o cuarto. Satisfeito por seguir un ano máis na competición e pola reacción do equipo tras dous meses que sufrimos moito”, comentaba Jorge Barrero, o adestrador das coruñesas para As Nosas.
Do partido, o técnico deixou as seguintes percepcións: “Salvo o resultado nada destacable. Xogamos mal con moito nivel de erro no forzado e loxicamente temos que volver ao nivel das últimas semanas se pretendemos ter algunha opción nos próximos partidos”.
A próxima semana terán un partido moi complicado. O domingo (15 de marzo, 13.00 horas) deixarán tras dúas xornada a súa pintura e poñerán rumbo para enfrontarse ao CV Sayre Décimas.
FICHA TÉCNICA
AUTOS CANCELA ZALAETA: Patricia Santos, Iria González, Cristina García, Claudia Gómez, Emma Ordoñez, Paula Lema, Andrea Rivas, Laura Vázquez, Carla Figueroa, Alba Quirós, Noemí Sánchez, Carlota Vilariño e Sandra Castro.
CV TORRELAVEGA: María Soriano, Irene Rodríguez, Nerea Collado, Nuria Garrido, Beatriz Benito, Laura Peña, Maryam Dieguez, Laura García, Lucía De La Fuente, Andrea Gandiaga, Paula Gómez, Lydia Pajares e Ana Curto.
SETS: 25-21/ 25-19/ 25-21 (3-0).
ÁRBITROS: Carlos Alberto Cordeiro Fervenza.
INCIDENCIAS: Partido correspondente a xornada 19 da Superliga 2 de voleibol no que enfrontou ao Autos Cancela Zalaeta e o Rivas Ciudad del Deporte no Pavillón do Barrio das Flores ante 100 espectadores.
O Emevé non se arrinca a espiña ante o Sayre
Tíñanlla xurada antes de comezar o encontro. Pero non poido ser. As lucenses perderon na súa casa despois da boa racha de vitorias que encarrilaban na Superliga 2. O Sayre Décimas levouse a vitoria cedendo tan só un set as galegas: 1 a 3.
A pesar da derrota, o Arenal Emevé manten o liderato da competición nacional a tan só un punto do Sayre Décimas. Na próxima xornada volve a ter un prato forte. Enfróntase ao VP Madrid, o terceiro clasificado, o domingo (15 de marzo, ás 12.30 horas).
FICHA TÉCNICA
ARENAL EMEVÉ: J. Paradela, P. Lorenzo, I. Yañez, L. Villasante, I. Lavado, M. Rodríguez, S. Urrea, P. Reija, A. Fernández, T. Andric, L. Prol, I. Rivas, A. Burgo e L. Figueira.
SAYRE DÉCIMAS: L. Brun, L. Puerto, P. García, I. Álvarez, L. Rodríguez, D. Escobar, L. Juan, V. Muñoz, A. Vente, M. Hernández e D. Glod.
SETS: 21-25/ 25-14/ 16-25/ 24-26 (1-3)
ÁRBITROS: Diego Rodríguez del Pozo.
INCIDENCIAS: Partido correspondente a xornada 19 da Superliga 2 de voleibol no que enfrontou ao Arenal Emevé e o Sayre Décimas no Pavillón Municipal dos Deportes ante 100 espectadores.
