Custou pero pagou a pena. O Autos Cancela Zalaeta suma un novo triunfo no seu haber logo de ter que xogar cinco sets co CV Torrelavega para levarse o partido 3-2.
As de Jorge Barrero recibían ao seu rival na cancha do Barrio das Flores e as cousas non pintaban ben para elas logo do primeiro set que cedían as visitantes por un tanteo de 19-25. Faltoulles se cadra algo de concentración no arranque do choque.
No segundo e no terceiro puxéronse as pilas atoparon o seu xogo, e impuxéronse por 25-21 e 25-18 respectivamente. Pero as de Cantabria forzaron o quinto ao levarse o cuarto con 19-25. O Autos Cancela Zalaeta revivía o acontecido na pasada xornada en terras tinerfeñas diante do Arona Tenerife Sur, pero desta volta mudaron o final.
Esta xornada as coruñesas non deixaron escapar os puntos e impuxéronse ao Torrelavega no quinto por 15-10.
Alba Quirós co 19 puntos e Laura Vázquez con 14, foron as máis atinadas no ataque herculino.
No cuadro cántabro tampouco dan por malo o punto colleitado en terras galegas fronte ao Autos Cancela Zalaeta.
FICHA TÉCNICA
AUTOS CANCELA ZALAETA: Patri Santos (1), Laura Vázquez (14), Carla Figueroa (1), Alba Quirós (19), María Forteza (13) e Eleonora Guzzi (11). Líbero: Noa Sánchez. Tamén xogaron: Claudia Gómez (2), Cristina García (3), Andrea Rivas (4), Carlota Vilariño e Susana Suárez.
TORRELAVEGA: Victoria Cubero (9), Guillen Vallines (4), María Segovia (16), Aroa Sánchez (15), Lidia Da Cuíña (1) e Noelia Neila (22). Líbero: Carla Salazar. Tamén xogou: Cristina Hermosa (2).
PARCIAIS POR SETS: 19-25, 21-21, 25-18, 19-25 e 15-10
ÁRBITROS: Aroa García e Marco A. Fraga.
INCIDENCIAS: Partido disputado no Barrio das Flores da Coruña con limitación do aforo por mor da pandemia de COVID-19 pero que puido seguirse a través da canle de YouTube do club coruñés
MIRA AQUI O PARTIDO DE VOLEI ENTRE O CV ZALAETA E O TORRELAVEGA
f
