O podio do Campionato de España de lanzamento de xavelina contou con dúas galegas de adopción nos dous primeiros lugares. O título de campioa e o ouro foi para Yulenmis Aguilar que competía por primeira vez como española e alcanzou os 59.58 metros. A prata foi para a asturiana afincada na Coruña, Carmen Sánchez Parrondo que chegou aos 51.86 metros. O terceiro caixón no podio estatal foi para Enya Carretero.
PODIO – Jabalina 🚺 #CEAtletismo
🥇 @YulenmisM 59.85 m
🥈 Carmen Sánchez 51,86 m
🥉 Enya Carretero 51.43 m👏👏👏
📺 @teledeporte
📺 MULTIVIEW (concursos) https://t.co/gqseBQcfAQ
📊 https://t.co/B9MzfNv4ww pic.twitter.com/HPYmFBh8Rw— atletismoRFEA (@atletismoRFEA) June 30, 2024
No transcurso deste concurso no Campionato de España de lanzamento de xavelina Yulenmis Aguilar, do Valencia Club Atletismo, empezaba cun lanzamento de 50.12, seguiulle o que, finalmente, sería o seu mellor intento con 59.85, logo lanzaría: 57.19, 53.09, 53.15 e 58.13. Todos por debaixo da súa mellor marca: 60.68 acadada en maio deste ano en Valencia.
EL PRIMER 🥇 en el #CEAtletismo para YULEMNIS AGUILAR en la jabalina 💪🏼
🤩¡Te esperan muchos más!🤞🏼 pic.twitter.com/2vZRKljTZl
— atletismoRFEA (@atletismoRFEA) June 30, 2024
A propia lanzadora destacaba o feito positivo de que o seu hombreiro se está “recuperando moi ben”. A deportista arrastra unha lesión que non lle permitiu estar ao 100% no Europeo de Roma no que non entraba na final logo de asinar un mellor lanzamento de 57,27 metros.
Prata para outra galega
Carmen Sánchez Parrondo, que defende as cores do Unicaja Jaén Paraíso Interior, empezaba a competición con 48.61, o segu segundo lanzamento chegou aos 47.56. O terceiro foi o mellor alcanzando no tepe os 51.86 metros. A xavelina clavouse nos 51.79 no seguinte intento e nos 49.47 no quinto que foi o último válido. O sexto foi nulo.
A terceira posición foi para Enya Carretero do Alcampo Scorpio 71. Que lanzou: 50.64, 50.34, 46.75, 48,93, 49.17 e no sexto e último intento chegou ata os 51.43 que lle deron o bronce.
Tamén se meteu na final outra galega, Paula Piñón, que adestra como Carmen Parrondo no Club Lanzadores Coruña. Piñón, que compite coas cores do At. San Sebastián, finalizou o concurso en sétima posición. Os seus lanzamentos foron: 40.82, 39.99, 45.40 (o mellor), 40,.79, 37.96 e 39.94.
Hai uns meses o título foi para Carmen Sánchez
En febreiro a atleta asturiana, fincada na Coruña desde fai máis dunha década, Carmen Sánchez Parrondo Menchu, proclamábase Campioa de España Absoluta de lanzamento de xavelina no Campionato de España de Lanzamentos Longos que se levou a cabo en Jaén.
Hoxe, en La Nucia, a que subía ao máis alto do caixón era Yulenmis Aguilar. Naquela competición de febreiro en terreas andaluzas a hispano-cubana lanzara ata os 63.90 metros. Máis que nesta ocasión, pero aínda non tiña a nacionalidade española.
Unha e outra, Yulenmis e Carmen, Carmen e Yulenmis, deixan claro cos seus lanzamentos e duro traballo que as mellores lanzadoras de xavelina no panorama estatal adestran na provincia da Coruña.
O soño de París sigue vivo para Yulenmis Aguilar
Yulenmis Aguilar está pendente de acadar un posto no equipo olímpico español de atletismo para poder estar nos Xogos de París 2024. Ata agora non acadou a marca mínima requerida, pero podería entrar igualmente na lista olímpica por ránking e traxectoria.
