A Real Federación Española de Fútbol (RFEF) vén de anunciar que nomea a María Josefa García Cirac presidenta do Comité de Competición da Competición Profesional Feminina e á galega Yolanda Parga Rodríguez, presidenta da Comisión de Arbitraxe da devandita competición
De acordo con a normativa vixente e en atención ás competencias que ten atribuídas, o presidente da Real Federación Española de Fútbol procedeuse a nomear á María Josefa García Cirac como presidenta do Comité de Competición da Competición Profesional Feminina, así como a Yolanda Parga Rodríguez como presidenta da Comisión de Arbitraxe da Competición Profesional Feminina.
A traxectoria de Yolanda Parga
A colexiada galega foi árbitra asistente da FIFA desde o ano 2002 ao ano 2017, participando nos Xogos Olímpicos de Londres (2012) e Brasil (2016), en diversos campionatos do mundo intervindo en partidos da final ou de terceiro e cuarto posto, finais de Champions femininas e 23 anos en categorías nacionais do fútbol español. Como colexiada internacional, o seu primeiro gran logro foi a final da liga de Campións Feminina da UEFA disputada en Suecia en 2007. Estivo presente en dous mundiais femininos: Alemaña 2011 e Canadá 2015, onde estivo no trío arbitral da final. Yolanda Parga (A Coruña, 1978) chegou a arbitrar en Segunda División na tempada 2006-2007.
¡Mucha suerte a la colegiada Yolanda Parga, que hoy asistirá a Stephanie Frappart en los JJOO de #Rio2016! pic.twitter.com/WdUKpxSWIF
— RFEF (@rfef) August 9, 2016
Ademais, a colexiada galega Yolanda Parga tivo responsabilidades e desenvolveu diversas funcións no Comité de Árbitros de Fútbol de Madrid e no Comité Técnico de Árbitros da RFEF.
Traxectoria de María Josefa García
Pola súa banda, María Josefa García Cirac é Doutora en Dereito, profesora de dereito administrativo da Universidade de Salamanca, estivo profesora visitante na Pennsylvania State University e realizou estancias docentes e investigadoras nas Universidades de Coimbra, O Porto e Bordeus. Foi Presidenta do Tribunal do Deporte de Castela e León de 2006 a 2011 e é Xuíza disciplinaria única de fútbol praia da RFEF.
Ademais, García Cirac foi presidenta das Cortes de Castela e León do 2011 ao 2015 e conselleira de Cultura e Turismo de Castela e León do 2015 ao 2019 con competencias en materia de Deporte.
🔴 Nombramientos de la RFEF para la Competición Profesional Femenina.
ℹ️ María Josega García Cirac, presidenta del Comité de Competición; Yolanda Parga Rodríguez, presidenta de la Comisión de Arbitraje.
🔗 https://t.co/kokJ5lUKJb pic.twitter.com/1l57QRgRZ8
— RFEF (@rfef) August 25, 2022
