Yolanda Bastos Novelle e Ignacio Campos Méndez, do C.D. Alagua, co barco Padaone, proclamáronse campións absolutas galegos en clase Vaurien. A segunda posición absoluta foi para a tripulación conformada por Pablo Cabello Vieitez e Isabel Cabello Canas, ambos os dous do RCN de Vigo co barco Castilla y León es Vida. O terceiro posto na categoría absoluta, pero o triunfo na idade xuvenil, foi para a embarcación Lenda coa parella conformada por Caro Iglesias (RC Náutico Rodeira) e Pedro Fernández (CM Canido).
O campionato galego da clase Vaurien tivo lugar no Lago das Pontes de García Rodríguez nesta fin de semana. Na primeia xornada houbo unha media de vento de 11-13 nudos, o que fixo posible que se realizasen catro probas da regata. Xa na xornada de domingo, unicamente se puido levar a cabo unha manga. Así que quedou unha por realizar por mor do vento.
Na primeira xornada Yolanda Bastos Novelle e Ignacio Campos Méndez, do C.D. Alagua, fixeron 2- 3- 1 -1 e na final volveron cruzar a boia de meta en primeiro lugar, sumando así cinco puntos e asegurándose a primeira praza.
A tripulación que rematou segunda, Pablo Cabello Vieitez e Isabel Cabello Canas, do RCN de Vigo, empezaron moi ben con dous triunfos. Fixeron 1-1-3-2. Na última xornada foron segundos, quedando así cun punto menos que a parella gañadora deste Campionato Galego de Vaurien organizado polo Club de Vela Fluvial das Pontes.
No caso de Caro Iglesias e Pedro Fernández fixéronse fortes na clasificación acadando dous segundos e dous terceiros lugares na categoría absoluta e dominando a xuvenil. Na xornada do domingo fixeron un 3º absoluto (1º Juvenil). Sumaron así 10 puntos e finalizaron a competición terceiros absolutos e campións xuvenís Sub-23.
No verán, esta parella de regatistas conformada por Caro Iglesias (RC Náutico Rodeira) e Pedro Fernández (CM Canido) proclamárase subcampioa do mundo en clase Vaurien no Campeonato del Mundo celebrado en Vigo, así que acumulan éxitos nesta tempada.
