A campaña impulsada pola Federación Española de Rugby, “Yo seré Leona“, está a ser un auténtico éxito. En poco máis dunha semana, máis de 90 clubs de toda España apuntáronse á iniciativa. Nela, 30 xogadoras internacionais amadriñarán ás nenas que queiran iniciarse neste deporte e ás que xa participan nel para retelas.
Entre elas está a galega Paula Medín, coñecida como Alevín, que será a madriña do Sant Vicent Rugbi Club. Xogadora do CRAT desde o 2001, a cambresa conta no seu palmarés con varios títulos de competicións españolas e formou parte da selección española nos Xogos de Río 2016 e acadou con este equipo un Campionato de Europa. A ela súmanse as tamén xogadoras do CRAT e internacionais, Elsa Porto e Mónica Mona Castelo, que serán madriñas do Fendetestas e do club coruñés respectivamente.
As galegas forman parte da treintena de xogadoras (aínda que se prevé que serán máis), que se sumaron a esta iniciativa co obxectivo de potenciar o rugby feminino español. A catalana María Losada é a encargada de coordinar a estas deportistas en activo e veteranas do deporte oval. Ademais, tamén é madriña do club Rugby en Compostela, co que xa comezou a realizar actividades.
Estamos disfrutando y aprendiendo con @mlosgif nuestra madrina #YoSeréLeona @ferugby Nos está ayudando a entender cómo las mayores pueden ayudar a las más pequeñas a sentirse a gusto con el rugby pic.twitter.com/0934shCvo9
— rugbyencompostela (@rugbycompostela) November 19, 2020
As propias xogadoras son as que deciden, en función das súas posibilidades e coa intención de abarcar o maior número de clubs, o reparto dos equipos. Polo de agora, a listaxe da Federación, que irá actualizándose, é a seguinte:
- Alba Vinuesa: Veterinaria, Cisneros e Aparejadores Burgos
- Amaia Erbina: UCV Rugby, Ciencias Universidad Pablo de Olavide, Bera Bera RT e Ordizia Rugby
- Amalia Argudo: Sant Cugat, Tarragona Rugby e Belenos RC
- Anna Puig: BUC e Castelldefels Rugby Union Club
- Anne Fernández de Corres: Rugby Club Rioja, Gaztedi Rugby Taldea e Quebrantahuesos RC
- Bárbara Pla: INEF Lleida e Rugby Turia
- Beatriz Domínguez: Osos del Pardo, Sanse Scrum e Fénix CR
- Bet Segarra: CR Cervelló e CR Amateur Córdoba
- Laura Delgado ‘Bimba’: Holmes Sotogrande Rugby del Estrecho, Club Deportivo Escoriones Granada, Jaén Rugby, CR Cádiz CF, Unión Rugby Almería, CR Atlético Portuense e Cowper Universidad de Oviedo RC
- Clara Piquero: Gijón RC e CEFA UNIZAR
- Eva Aguirre: CDE Rugby Alcorcón, Soto del Real e CR Universitario de Cartagena
- Elsa Portos: CR Fendetestas
- Eli Martínez: CR Alella
- Iciar Pozo: CR La Safor, Alcalá e MAD Boadilla
- Iera Echevarría: Salamanca RC e CR Bahía
- Ingrid Algar: RC Colmenar Viejo, CAU Valencia, Reus RC e Bierzo RC
- Isabel Macías: Arquitectura, Liceo Francés e Tartessos de Huelva
- Isabel Rico: Torrelodones, Fuengirola RC, Physuorelax Palencia RC, CEU Rugby Barcelona, Olímpico de Pozuelo, Arlequinas e Quijotes
- Lourdes Alameda: El Tejar de Somontes, Geológicas RFUC e Alcobendas
- María Losada: Vallecas Rugby Unión, Rugby en Compostela, CR L’Hospitalet e CR Universidad de La Laguna
- Lucía Díaz: San Isidro RC, CR Majadahonda e Marbella RC
- Margarita Rodríguez: Cocodrilas e Club Amigos del Rugby Sevilla
- María Calvo: Rugby Montcada, ALL Rugby e Denia RC
- María Casado: Estación Rinconada RC, Shamrock RC e León RC
- María Ribera: CR Albacete
- Marina Bravo: CRC Pozuelo
- Olivia Fresneda: Industriales, XV Hortaleza, XV Rugby Murcia, El Salvador e VRAC
- Patricia García: Marrajos Rugby, CP Les Abelles, CR San Roque, Sierra RC e CAR Cáceres
- Paula Medín ‘Alevín’: Sant Vicent Rugbi Club
- Saioa Jaurena: Getafe RC, Camargo RC, Pingüinas Rugby Burgos e CR Tarazona
Esta iniciativa seguirá activa ata o 20 de decembro e os equipos que queiran inscribirse deberán facelo nesta ligazón.
Así funciona “Yo seré Leona“
Cada equipo participante deberá elixir a un contacto, que será o encargado de comunicarlle á madriña toda a información útil e necesaria para desempeñar o seu labor. Os clubs poderán utilizar a imaxe da madriña e o seu nome para promover as actividades que fomenten a inclusión das nenas no rugby. A propia Federación será quen lles faga chegar imaxes delas coas Leonas.
Pola súa banda, as madriñas difundirán as actividades dos equipos nas súas propias redes sociais cando o consideren oportuno e tamén realizarán publicacións dependendo do número de clubs que amadriñen e a súa dispoñibilidade.
Ademais, de maneira coordinada coa Área de Desarrollo e o departamento de Prensa da FER, as xogadoras tamén acudirán a algún acto dos clubs que amadriñan para respaldalos. A propia Federación anima aos equipos a estar pendentes das madriñas e manter informada sobre o funcionamento da iniciativa á Área de Desarrollo.
#FERugby | 💥 Éxito de la campaña #YoSeréLeona: en cinco días 5️⃣2️⃣ clubes ya tienen madrina
➡️ Para inscribirse, en este link… https://t.co/XL0kInKzPj
🎥 En este vídeo, María Losada @mlosgif no lo puede explicar mejor… @deportegob @iberdrola https://t.co/nq42Cg0TPc pic.twitter.com/sTd2aBdJ8T
— España Rugby (@ferugby) November 16, 2020
