A Praza do Calvario acolleu a un total de 233 ciclistas no XV Trofeo Montes do Rosal, unha proba organizada polo CC O Rosal, que celebra o seu 40 aniversario, o Concello do Rosal, a Federación de Ciclismo Galego, a Fundación Deporte Galego, a Deputación de Pontevedra e a Xunta de Galicia. Na competición, o equipo local destacou na proba Promesa feminina, no seu 40 aniversario.
O campionato comezou ás 16:00 horas e abranguiu categorías Promesa, Principiante, Alevín, Infantil, Cadete e Junior, todas elas en masculino e feminino. Seguindo as medidas de seguridade sanitaria, a competición tivo que realizarse sen a presenza de público.
Pleno do CC O Rosal no podio Promesa feminina
O CC O Rosal logrou un pleno no podio Promesa feminina, cun ouro para Lucía González, unha prata para Itzel del Río e un bronce para Aitana Súarez. Seguíronnas Alba Rodríguez como quinta e Zoe del Río como sétima. Na proba masculina, Lucas Amaro tamén proclamouse campión.
En categoría principiante, de novo o equipo anfitrión levouse o ouro, da man de Saray Álvarez. A prata desta vez foi para o Barbanza CC, con Yolanda Egido, e o bronce para o CC Compostelano, con Xana Villanueva. En Junior, Claudia García, do Team Farto – BTC Development, triunfou levándose o campionato. En segunda posición quedou Sonia Domínguez, do XSM-Santome de Piñeiro, e en terceiro posto Carmen Mallo, do CC Cambre.
En infantil de novo o Farto foi campión, deesta vez grazas a Lorena Patiño. A prata quedou en mans de Alejandra Neira, do Compostelano, e o bronce foi para María Cabot, do Padrones. En cadete, Vania Gregores, do CC Ponteareas, colgouse o ouro, deixando a segunda posición para Lara Fuentes, do CC Cambre, e a terceira para Andrea Prado, do Betanzos. Finalmente en alevín a gañadora foi Carmen Cabot, do Padrones, seguida por Antía Torres, do Teis, e por Mariana Maia, do Maiatos.
Podes consultar nesta ligazón todos os resultados.
Ver esta publicación en Instagram
