A Xunta de Galicia, a través da Secretaría Xeral para o Deporte, ven de facer pública a resolución que establece as bases das subvencións para a adquisición de equipamentos deportivos neste 2021.
Como xa se fixo no 2020, o orzamento destas axudas ascende a 700.000 euros e del poderán beneficiarse os clubs deportivos galegos, sociedades anónimas deportivas e as federacións deportivas galegas.
A resolución da Xunta tamén especifica que só poderan subvencionarse os equipamentos deportivos inventariables para o seu uso en competicións deportivas oficiais ou nos adestramentos.
A principal novidade é a inclusión do equipamento sanitario de seguridade e prevención por mor da COVID-19. Algúns exemplos son mamparas, sistemas de ventilación, sistemas de dispensadores de hidroxeles, sistemas de toma de temperatura, etc. Aparte deste material, tamén están engadidos os equipamentos específicos por modalidades deportivas e os non específicos.
Estas axudas sufragarán un 80% do gasto dos equipos, e o 20% restante será achegado polas entidades beneficiarias ata esgotar o crédito dispoñible seguindo a orde de prelación. O gasto mínimo subvencionable será de 1.000 euros e, no caso dos clubs e das sociedades anónimas deportivas, as axudas non poderán superar os 5.000 euros por cada un.
O prazo de solicitud rematará o 6 de marzo e para facela efectiva poderá empregarse os mecanismos de identificación e sintaura da sede electrónica da Xunta.
Nesta ligazón podes consultar a convocatoria publicada no Diario Oficial de Galicia.
O Consello da Xunta aproba os convenios de colaboración coas federacións galegas
Un 30% do orzamento total desta convocatoria anual resérvase ás federacións deportivas galegas. Precisamente sobre elas o Consello da Xunta ven de facer pública a aprobación dos convenios de colaboración. O importe total será de 4,4 millóns de euros, mantendo o do 2020.
Ademais das axudas ao equipamento deportivo, a Xunta prepara xa unha liña de subvencións para gastos derivados do desenvolvemento da actividade deportiva. Estas contarán con 1,9 millóns de euros para os gastos ordinarios e 2 millóns para aqueles relacionados coa pandemia.
Desta forma, o orzamento total da Secretaría Xeral para o Deporte da Xunta aumenta nun 28,5%, pasando dos 25.257.216 euros no 2020 aos 32.474.216 en 2021.
A Xunta mantén o importe dos convenios das federacións deportivas en 2021
