- Desde a Secretaría Xeral para o deporte saliéntase o apoio as traíñas en Galicia co financiamento da LGT cun investimento de 110.000 euros
O secretario xeral para o Deporte, José Ramón Lete Lasa, visitou as instalacións da Sociedade Deportiva Tirán onde supervisou as últimas actuacións de mellora levadas a cabo polo club. Cabe salientar que no que atinxe ás traíñas galegas, cómpre destacar o gran crecemento de participación da Liga Galega de Traíñas tanto masculina como feminina nos últimos anos cun incremento do 22% no orzamento destinado pola Xunta de Galicia que subiu ata os 110.000 euros xa en 2019.
Na presente tempada o club de remo de Moaña recibiu 21.000 euros con cargo ao Plan de Patrocinio dos Equipos de Alta Competición de Galicia. O mandatario galego gabou a traxectoria da SD Tirán, o club de traíñas máis laureado de Galicia, que disputará de novo o playoff de ascenso á Liga ACT tras regresar a tempada pasada á primeira división. De feito, a SD Tirán foi un dos socios fundadores da Liga ACT no ano 2003 e dende aquela participou en todas as súas edicións menos cinco.
Lete Lasa desexou a mellor das sortes o club de Moaña nese playoff de ascenso no que tamén competirán as traíñas de Samertolameu e Bueu e expresou a súa confianza de que o ano que vén outros dous equipos galegos acompañen a Cabo de Cruz e Ares na ACT.
Do mesmo xeito, o secretario xeral asegurou que a Xunta de Galicia seguirá traballando para que a SD Tirán siga acadando grandes éxitos. Cómpre lembrar que na presente tempada o club de remo de Moaña recibiu preto de 21.000 euros ao abeiro do Plan de Patrocinio dos Equipos de Alta Competición da Fundación Deporte Galego.
