A Xunta de de Galicia sumouse a iniciativa Píldoras Solidarias, Entremamiento Mental da Sociedade Iberoamericana de Psicoloxía do Deporte, o SIPD. O Goberno galego, a través da Secretaría Xeral para o Deporte, apoia o programa que preside o psicólogo deportivo galego, Joaquín Dosil.
Esta iniciativa naceu para axudar á preparación e motivación dos e das deportistas, técnicos e técnicas, así como todos os representantes do tecido deportivo neste período de confinamento derivado da declaración do Estado de Alarma decretado polo Goberno Español pola expansión do coronavirus.
O secretario xeral para o Deporte, José Ramón Lete Lasa, sinalou que nestes 15 días de corentena todos debemos cumprir as instrucións e permanecer na casa. Deste xeito animou aos deportistas galegos a modificar a súa rutina de adestramentos en beneficio de toda a sociedade, lembrando que a Xunta de Galicia xa está en contacto permanente coas administracións estatais para defender os dereitos do deporte galego.
José Ramón Lete Lasa (Secretario Xeral para o Deporte): “Debemos cumprir as instrucións e permanecer na casa nestes 15 días de corentena. Animo aos deportivas galegos a modificar a súa rutina de adestramentos en beneficio de toda a sociedade. A Xunta está en contacto permanente coas administracións estatais para defender os dereitos do deporte galego”.
O programa comenza hoxe, 20 de marzo, ás 18.00 horas cunha pílula de 10 minutos de adestramento mental en directo. A proposta levarase a cabo cada día á mesma hora e co mesmo formato cun referente da psicoloxía do deporte. Para participar nestas actividades cómpre completar un formulario.
En total, estes adestramentos aos deportistas dun mínimo de 18 países: México, Guatemala, Nicaragua, Costa Rica, Porto Rico, Cuba, Honduras, Ecuador, Perú, Colombia, Venezuela, Brasil, Uruguai, Paraguai, Arxentina, Chile, España e Portugal.
Neste sentido, o programa ‘Píldoras Solidarias’ é unha iniciativa na que participa a Secretaría Xeral para o Deporte que intenta minimizar os prexuízos que o confinamento pode causar na preparación de todos os actores do noso tecido deportivo.
