- Trátase da primeira competición desta categoría de base do fútbol gaélico en territorio galego.
- Unha alerta vermella por altas temperaturas impediu que os encontros se celebrasen en Santiago de Compostela e se trasladen ao concello lucense.
- Equipos provenientes de Galicia, Francia, Alemaña e Irlanda conforman unha lista de participantes que sirve de referente internacional.
Este sábado 4 de xullo chega a Galicia a primeira edición da Celtic Cup U17, un campionato de recente creación que promete darlle visibilidade ás novas promesas do fútbol gaélico e “seguir impulsando o crecemento deste deporte”, segundo indican desde a Asociación Galega de Fútbol Gaelico (AGFG) . Xove acollerá a cita deportiva. Participan equipos de catro territorios, entre deles, Galicia que exerce de anfitroa.
Apenas uns meses atrás, o 14 de marzo, celebrábase a IV Celtic Cup en Santiago de Compostela, considerada xa un torneo internacional de primeiro nivel para a categoría absoluta. A capital galega era o escenario elixido inicialmente para acoller esta competición U17, pero houbo que mudar o plan. O evento terminará por levarse a cabo no municipio lucense de Xove, perto das Rías Altas. Unha alerta vermella por altas temperaturas explica o súbito cambio. Compostela podería chegar aos 38 ºC segundo os datos da AEMET. A nova localización permitirá o xogo, cun clima suavizado pola brisa costeira e con máximas arredor dos 23 ºC grados.
A Asociación Galega de Fútbol Gaelico (AGFG) manifestou o seu agradecemento ao concello de Xove e á Unión Deportiva Xove Lago “pola cesión das instalacións e toda a predisposición en acoller o torneo con tan pouca antelación”, a conciencia do desafío loxístico que suporía este troco de última hora.
Esta competición é un paso máis na evolución da base do fútbol gaélico galego de base que se está levando a cabo desde a Asociación Galega de Fútbol Gaelico (AGFG) a través das Gaélico Escolas PuntoGal. Algún dos futbolistas integrantes dos combinados galegos xogou a Copa Galega cadete deste ano e incluso do pasado, polo que a celebración desta Celtic Cup U17 é un paso lóxico na evolución deste traballo a prol do asentamento dunhas categorías inferiores que dean continuidade nas novas xeracións. A través do traballo realizado nas Gaélico Escolas PuntoGal exista unha remuda desta modalidade deportiva en Galicia e incluso pódese aspirar a un incremento de licencias.
Equipos participantes na Celtic Cup U17 de fútbol gaélico
Xunto ás Seleccións Galegas, participarán no torneo os combinados de Francia e Alemaña e os tradicionais clubs irlandeses: St Michael’s GAC, Naomh Pádraig GAC, St Sylvester’s, Kilmacud Crokes, Skerries Harps e Na Piarsaigh Doiretrasna. Desta forma, confórmase un campionato con proxección internacional.
O evento consiste en dúas competición separadas. A Celtic Cup U17 xogarase simultaneamente en dous terreos de xogo, un de herba artificial e outro natural.
No torneo masculino participarán un total de nove conxuntos, divididos en tres grupos de tres equipos. Bateranse por saír da fase de grupos e pasar a semifinais, á que só poden chegar dous equipos. Os dous mellores segundos xogarán unha sorte de “repesca”, cuxo gañador sería o 4º semifinalista.
O torneo feminino é similar, reducindo o cadro de conxuntos a un total de seis. Xogarán dous grupos de tres equipos, de entre os que dous equipos alcanzarán a semifinal para terminar decidido a un gañador. Ao seren menos integrantes os presentes na fase de grupos, non se celebrarán máis encontros.
COMPETICIÓN MASCULINA
GRUPO A
- Francia
- Skerries Harps
- Galicia A
GRUPO B
- St Sylvester’s A
- St Michael’s GAC
- Galicia B
GRUPO C
- St Sylvester’s B
- Na Piarsaigh Doiretrasna
- Alemaña
COMPETICIÓN FEMININA
GRUPO A
- Kilmacud Crokes
- Alemaña
- Galicia A
GRUPO B
- Naomh Pádraig GAC
- Galicia B
- Francia
Que é a AGFG?
A Asociación Galega de Fútbol Gaelico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal garántelle de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
