Non houbo triunfo para os equipos galegos da Segunda Federación de fútbol. O encontro que enfrontaba ao Atlético Villalonga e ao RC Deportivo ABANCA B rematou cun empate sen goles, mentres que, pola súa banda, As Celtas sufriron unha derrota por 2-0 ante o Burgos CF.
Villalonga e Dépor ABANCA B asinan un empate 0-0
O duelo galego que enfrontaba ao Atlético Villalonga FF e ao Dépor ABANCA `B´ rematou sen tantos no marcador. O empate 0-0 foi o único botín que lograron os dous equipos galegos na 12ª xornada da Segunda Federación Femenina.
Ver esta publicación en Instagram
As futbolistas do Atlético Villalonga FF chegaban ao encontro como colistas da competición, posición na que se manteñen tras sumar un único punto fronte ao cadro coruñés. A situación é realmente complexa para o equipo dirixido por Romina Dadín, que só logrou unha vitoria e dous empates no que vai de curso, unhas circunstancias que afunden ás pontevedresas cada vez máis nos postos de descenso.
A categoría aínda é salvable a estas alturas da tempada para o conxunto galego do Atlético Villalonga FF, pero o cambio de rumbo debe ser inmediato se o equipo quere pelexar pola permanencia.
Ver esta publicación en Instagram
O escenario, aínda que lonxe de ser perfecto, é distinto para o Dépor ABANCA `B´, que permanece na media táboa, nun oitavo posto que sabe a pouco para unha plantilla con tanto potencial.
O cadro herculino só saíu vencedor en catro partidos, ao que se suman dous empates e seis duras derrotas, un marco moi mellorable para o equipo adestrado por Alessandro Nogueira, que parece non atopar a maneira de asomar de novo pola parte alta da clasificación.
FICHA TÉCNICA:
0) DÉPOR ABANCA `B´: Antía Veiga, Sara Barreda, Noe Mayo (Dunia Dahmouni, minuto 76), Michi Apóstol, Carmen Carballada, Sara Cercido, Laura Otero (Valbuena, minuto 72), Lucía Rivas, Lucía Mariño, Laura Ruiz (Sonso, minuto 72) e Yanís Citoula.
0) ATLÉTICO VILLALONGA: Nerea Bermudo, Eva Valverde, Iria Otero, Noelia Pedreira, Sara García, Candela Otero, Noa Sanntomé, Ángela Novas, Lucía Pérez, Syria Rosignoli e Paula Sanmartín
EQUIPO ARBITRAL: Asier Manuel Fariña Biasi, Diego Gómez Campollo e Pablo Bacariza Baltasar.
INCIDENCIAS: Partido corresppondente á 12ª xornada do Grupo 1 da Segunda Federación Femenina, disputado no Estadio Novo San Pedro (Sanxenxo).
As Celtas caen en Burgos 2-0
As Celtas suman a súa segunda derrota consecutiva, a terceira no que vai de curso. O conxunto vigués do RC Celta non foi quen de recompoñerse dos dous tantos anotados polo cadro local en tan só catro minutos, e deixou escapar os tres puntos.
Ver esta publicación en Instagram
Os dous tantos asinados por Catalina Roselló afastan un pouco máis ao conxunto celeste do podio. Pese a estar facendo unha boa tempada, as cousas poden complicárselle ao equipo galego dirixido por Vicky Vázquez, que encadea dous reveses seguidos. Acumula 27 puntos, só por detrás do Athletic Club B, que suma 31.
O título ligueiro continúa ao alcance do conxunto galego, que debe recompoñerse canto antes e seguir sumando vitorias se quere ter opcións de facerse co campionato.
FICHA TÉCNICA:
2) BURGOS C.F. : Neike Barga, Estefanía Romero, Cristina López, Ángela Moreno, Andrea González (Lara Pasarín, minuto 84), Aitana Muñoz (Claudia Gómez, minuto 58), Catalina Roselló (Sofía Salas, minuto 66), Irene Mateo, Ane Alonso, Rebeca Cuesta, Raquel Mata (Mónica Barreiro, minuto 66).
0) AS CELTAS: Naiara Martínez, Celia Fontecha, Pañu (Tati Cruz, minuto 74), Muñi, Estela Castro, Cuquejo, Nara Fernández (Elena Pérez, minuto 74), Tati Barcia (Sara Debén, minuto 83), Ana Toubes, Noela Sánchez (María Nogueira, minuto 64), Irene Fernández (Aitana Sánchez, minuto 45).
EQUIPO ARBITRAL: Mateo Ortega Peña, Ander Martínez Acitores Hernantes e Miguel Ángel López Dos Santos.
INCIDENCIAS: Partido corresppondente á 12ª xornada do Grupo 1 da Segunda Federación Femenina, disputado na Ciudad Deportiva de Castañares (Burgos).
Ver esta publicación en Instagram
RESULTADOS DA XORNADA DA 2ª FEDERACIÓN. GRUPO 1
- REAL SPORTING DE GIJÓN – REAL RACING CLUB 1-1
- ATLÉTICO DE MADRID `C´ – MADRID CFF B 3-0
- BIZKERRE CLUB – REAL AVILÉS CF 5-1
- CD OLÍMPICO DE LEÓN – ATHLETIC CLUB `B´ 1-4
- ATLÉTICO VILLALONGA FF – DEPORTIVO ABANCA `B´ 0-0
- BURGOS C.F. – AS CELTAS 2-0
- REAL SOCIEDAD DE FÚTBOL `B´ – SD EIBAR `B´ 4-1
