A xornada 13, a última desta primeira volta, da División de Honor Prata de balonmán está marcada, por primeira vez esta tempada, polos dous derbis galegos. A pesar de que algúns xa xogaran entre eles, esta fin de semana haberá emoción por partida doble. O SAR Rodavigo recibe o AD Carballal e o Rubensa Porriño ó CdeC Lavodores.
O oitavo posto xógase en Porriño
O pavillón municipal de Porriño acolle este fin de semana (o sábado 14 de decembro, ás 20.00 horas) o encontro do Rubensa Porriño contra o CdeC Lavadores. Ambos están empatados a punto na clasificación (10 puntos, o Porriño vai por diante) con as mesmas vitorias e derrotras (5 partidos gañados e 7 derrotados).
No balance da táboa, o Porriño nestas catro últimas xornadas leva dúas derrotas, unha vitoria e unha derrota. Esta última estivo moi reñida e non se decidiu ata o último minuto. Foi contra o Lanzarote Zonzamás e o Rubensa estivo por riba toda a primeira metade. As de Abel Estévez escorregouselles a vitoria.
Mais o Lavadores tamén ven de perder no súa casa. Polo que leva catro derrotas consecutivas. Non coñecen a vitoria desde a xornada oito contra o Balonmano Gijón. No último encontro, o atascamento do Oviedo Balonmano fixo que as viguesas achegáranse no marcador e soñaran coa vitoria. Mais as ovetenses lles arrebataron o soño.
Porriño vivirá novamente un partido moi reñido para ambos clubes. Calquera dos dous podería esnachar a igualdade que teñen agora mesmo na táboa. É o máis importante, subir postos.
FICHA
CAMPO: Pavillón Municipal de Porriño (Pontevedra)
Redondela acolle a un Carballal que está en racha
O SAR Rodavigo atópase co Carballal no pavillón de A Marisma este domingo (15 de decembro, ás 12.30) neste final da primeira volta da División de Honor Prata. Non están moi alonxados na táboa. O Carballal é setimo e as viguesas son décimas.
Malia xogar o fin de semana pasado co pechacancelas da prata (o Palencia Turismo), o Carballal leva catro vitorias consecutivas no que vai de liga. Tampouco teñen malos resultados xa que teñen as mesmas derrotas ca vitorias. Eso sí teñen a metade de puntos do líder (o Balonmano San Jose Obrero Lanzarote). No encontro disputado na xornada seis, só as de Lanzarote gañáronlle por tres tantos.
Sen embargo, o Rodavigo ven de perder contra o primeiro da táboa. Non poideron sumar a súa segunda vitoria. Mais, cabe destacar que foi un encontro moi igualado. As de Vigo aproveitaron os erros do Balonmano San José Obrero e estiveron por diante case toda a segunda metada. Na clasificación xeral, suman oito puntos con catro vitorias e oito derrotas. Só as separan dous puntos do Porriño e do Lavadores.
Neste segundo derbi o encontro estará igualado tamén. Na tempada anterior (2018-19) o gañador deste mesmo encontro foi o Carballal por tan só un tanto. E na volta, no pavillón municipal de Carballal, tamén se levaron a vitoria. Mais esta vez por unha diferencia de sete. Este partido sería a guinda do pastel para as visitantes xa que sumarían a súa quinta vitoria consecutiva e permitiríalle soñar cos postos de arriba. Para o Rodavigo, significaria alonxarse máis aínda dos postos de descenso.
FICHA
CAMPO: Pavillón Municipal de Redondela, A Marisma (Pontevedra)
