A novena xornada na Primera Iberdrola de Fútbol Sala remata con dúas vitorias entre os conxuntos galegos da máxima categoría. O FSF Castro Bloques Cando non desiste e logra vencer ao líder da competición (4-3). Tamén perservera o CD Burela FS, que acada un valioso triunfo por 3-2 ante o AE Penya Esplugues. Resultados menos satisfactorios para o Poio Pescamar, que se conforma con outro empate (3-3) e o Ourense Ontime, que perde o seu sexto partido do curso (1-2) e continúa na parte baixa da clasificación.
O FSF Castro Bloques Cando vence ao líder
O FSF Castro Bloques Cando dá a talla, marca territorio e fase coa vitoria ante o Melilla CD Torreblanca (4-3), un conxunto que estaba invicto ata o momento.
Ver esta publicación en Instagram
O conxunto galego, mantense nun considerable 5.º posto da competición, tiña por diante un partido de alta intensidade, enfrontábase ao líder da liga, que non coñecía a derrota ata o pasado sábado, pero o cadro dirixido por Julio Delgado, foi quen de impoñerse e lograr un triunfo de ouro, que as anima a continuar pelexando por bos resultados e soñar en grande de cara ao que resta de tempada.
Ver esta publicación en Instagram
O próximo partido será ante o STV Roldán, despois do parón pola Copa Mundial Femenina de Fútbol Sala, o vindeiro día 13 de decembro ás 11:00 horas no campo rival.
Ver esta publicación en Instagram
Triunfo crucial para o CD Burela Fútbol Sala (3-2)
O CD Burela Fútbol Sala recupérase das adversidades e consigue a súa segunda vitoria da tempada ante o AE Penya Esplugues (3-2), un importante triunfo tendo en conta a difícil situación do conxunto galego, que continúa en postos de descenso, pese a sumar xa 4 partidos consecutivos sen derrotas.
1. CD Burela Fútbol Sala vs Penya Esplugues / PENYA ESPLUGUES
CD Burela FS vs Penya Esplugues / PENYA ESPLUGUES porteira
2. CD Burela Fútbol Sala vs Penya Esplugues / PENYA ESPLUGUES
CD Burela FS vs Penya Esplugues / PENYA ESPLUGUES
3. Belén Feal, adestradora do CD Burela FS / PENYA ESPLUGUES
Belén Feal, adestradora do CD Burela FS / PENYA ESPLUGUES
4. CD Burela Fútbol Sala vs Penya Esplugues / PENYA ESPLUGUES
CD Burela FS vs Penya Esplugues / PENYA ESPLUGUES
Ese triunfo alenta as galegas no camiño da salvación nunha tempada de transición para un equipo cun palmarés histórico no fútbol sala estatal.
Ver esta publicación en Instagram
O escenario, aínda que complicado, parece agora un pouco menos escuro para o cadro burelense que ten un obxectivo claro: volver con forza, acadar máis resultados favorables e conseguir manter a categoría.
O vindeiro encontro será contra ao Nueces de Ronda Atlético Torcal, o próximo 13 de decembro ás 12 horas, despois do parón polo primeiro Mundial de Futsal.
Empate deslucido (3-3) para o Poio Pescamar, invicto en Liga
O Poio Pescamar só foi quen de acadar o empate (3-3) fronte a un Arriva AD Alcorcón que non parecía disposto a cederlle terreo. As poienses, dirixidas por Luis López Tulla, continúan sen coñecer a derrota no presente curso. Acumulan 5 partidos gañados e 4 empates, o que as sitúa a só 3 puntos de distancia do Melilla CD Torreblanca, que se mantén á cabeza da categoría.
Ver esta publicación en Instagram
O seu próximo partido será contra este mesmo rival, o Melilla CD Torreblanca, despois do parón de seleccións, o vindeiro día 13 de decembro ás 19:00 horas no campo rival.
Ver esta publicación en Instagram
Derrota pola mínima do Ourense Ontime ante o At. Navalcarnero
Novo golpe para o Ourense Ontime, que perdeu pola mínima (1-2) no partido que as medía ao Atlético Navalcarnero. Un novo revés para as galegas, que suman xa seis derrotas no que vai de curso na máxima categoría do fútbol sala estatal, o que as sitúa no 12.º lugar da táboa con só 9 puntos.
O conxunto dirixido por Carlos Navarro medíase a un oso duro de roer pero precisa dar coa clave para ser quen de cambiar o rumbo dunha competición que se lle presenta difícil dende o inicio, pero que se pode revertir dado o momento da tempada.
Ver esta publicación en Instagram
O seu próximo encontro será depois do parón polo Mundial de Filipinas, contra o Guadalcacín FSF, o vindeiro 13 de decembro ás 19 horas como visitante.
