A xornada 11 da será de infarto para os equipos galegos. O Baxi Ferrol pode ser primeiro recibindo na Malata o Movistar Estudiantes. No caso do Celta Zorka Recalvi busca seguir coa racha de vitorias por partida doble. O Arxil viaxa para xogar contra un dos catro primeiros: Sinergia Real Canoe N.C. E o AD Cortegada recibe ó pechacancelas, o C.B. Pozuelo UFV.
O primeiro posto da Liga Feminina 2 xógase na Malata
O pavillón da A Malata será un forno na fin de semana. A gran cita, o partido da primeira volta da Liga Feminina 2 entre os dous primeiros clasificados: o Baxi Ferrol e o Movistar Estudantes (sábado 14, as 19.00 horas).
As xogadoras de Lino López loitarán por conseguir a primeira praza. Mais o Movistar Estudiantes leva oito partidos sen coñecer a derrota. Só os puxeron na corda frouxa nunha única ocasión, un dos outro equipos galegos, o Celta Zorka Recalvi.
O Baxi tampouco queda moi por detrás. Levan cinco partidos gañados e no último encontro, ante o C.B. Arxil, bateron a súa mellor marca tanto en anotación como en valoración. Ademáis puideron festexar os cincocentos que sosteñen nas súas costas. Polo que sería o momento idóneo para celebralo con toda a afición.
Desde o club esperan encher a Malata. Agasarallán a todos os abonados cunha invitación para acudir cun acompañante e tamén poderán comprar as entradas a cinco euros para maiores de 18 anos e de dous para aqueles que oscilen entre os 6 e os 18. Os menores entrarán gratis.
O plantel xa está poñendo todas as cartas sobre a mesa para conseguir o triunfo facendo tamén un chamamento o xogador número 6: os aficionados.
O Celta busca a doble vitoria na capital
Estando na sétima posición e con dúas vitorias seguidas, esta semana as de Cristina Canteiro teñen dobre competición. O Celta Zorka Recalvi xogaran dous partidos en terras madrileñas: o de esta xornada e o aprazado na sete. Buscarán seguir coa racha de vitorias que polo momento levan dúas seguidas.
O xoves poñen rumbo a capital. Pacisa Alcobendas será o primeiro rival no pavillón Antela Parada (12 de decembro, as 21.00 horas). O equipo madrileño atópase na novena posición, por debaixo das nosas xogadoras e veñen de perder a xornada anterior contra o líder.
Sen moverse da Comunidade de Madrid pero si de concello, o Celta Zorka Recalvi renderá visita o Ynsadiet Leganés o sábado 14, as 16.00h. As leganenses están por riba das de Vigo e como elas, pero cun partido máis, levan tres xornadas sen coñecer a derrota.
O Arxil ten que esnachar coas derrotas
As xogadoras de Mayte Méndez teñen outro importante partido esta xornada. Viaxan a Madrid como o Celta pero no seu caso é para medirse contra un dos catro primeiros, o Sinergia Real Canoe N.C. (sábado 14 de decembro, ás 16.30).
Tras perder contra o Baxi Ferrol por unha gran diferencia, o Arxil leva catro partidos sen coñecer a vitoria. A última, na casa, co Añares Rioja S.B. Ademáis só están a tres puntos do último. Polo que as pontevedresas teñen que esnachar con isto.
O rival, Sinergia Real Canoe N.C, están na cuarta posición con sete vitorias e tres derrotas. Na última xornada gañou por 81 a 50 o C.B. Pozuelo UFV. Pero perderon na súa casa co Celta Zorka Recalvi.
A.D. Cortegada recibe o pechacancelas, o C.B. Pozuelo UFV
Nunha ollada rápida semella un encontro doado, pero precisa de certa análise. O pavillón municipal de Fontecarmoa acolle ó ultimo da Liga Feminina 2, o C.B. Pozuelo UFV (o sábado, 14 de decembro, ás 19.30 horas). Enfronte, estarán as baloncestistas da AD Cortegada. Ambas formacións buscarán afastarse dos postos de descenso.
Tralo catastrófico derbi da xornada anterior (o duelo de rivalidade contra o Celta, 74-38), o plantel de Rubén Domínguez leva dous encontros sen coñecer a vitoria. As de Vilagarcía de Arousa están nunha situación similar o Arxil: súmase a guerra por separse dos postos de descenso. Actualmente, o Cortegada ten tan só 12 puntos.
Pero se as arousás chegan esixidas, nunha situación peor atópase o seu rival, que é o pechacancelas. C.B. Pozuelo UFV aínda non gañou ningún partido dos dez partidos que van de liga, nin na súa cancha nin fóra. Cabe destacar que tampouco meteron máis de sesenta canatras en ningún dos seus cruces. Por certo, no Pozuelo hai unha conexión galaica. Pese a non ser un equipo galego, no seu plantel hai unha xogadora saída da canteira galega. Trátase de Paloma González Vázquez. Viguesa de nacemento e ex-xogadora do Celta.
