Xa é oficial. A cita deportiva que cada catro anos esperamos as persoas amantes do deporte adíanse a non máis tarde do verán de 2021. O presidente do COI (Comité Olímpico Internacional), Thomas Bach, e o primeiro ministro de Xapón, Abe Shinzo, acordaron que os Xogos Olímpicos e os Paralímpicos terán que esperar ata o próximo ano. Fixéronno nunha conferencia telefónica celebrada esta mañá.
Logo de coñecerse o aprazamento hai dous días, quedaba saber que decisión se tomaba ao respecto de cando se celebrarían os Xogos Olímpicos de Toquio 2020. Ese foi o tema que trataron Bach e Shinzo.
Nesa conversa falaron, desde a perspectiva dos XX.OO., do que está agora mesmo na mente de calquera cidadán do mundo: a crise do coronavirus. Tanto o presidente do Comité Olímpico Internacional como o primeiro ministro da cidade nipona expresaron a súa inquietude compartida ante a pandemia.
As deportistas precisaban saber datas para prepararse cara aos Xogos Olímpicos
Tamen fixeron mención ao impacto na vida das persoas e os preparativos das e dos deportistas de todo o mundo que aspiran a competir nos Xogos. Cada unha delas e cada un eles estaban a facer os adestramentos desde os seus fogares ante a decretación do estado de alarma en moitos países. Non coñecer a data significaba non coñecer tampouco a que prazos se enfrontaban as deportistas.
Doutra banda, estaban no aire as disciplinas con clasificatorios pendentes. Incluso se plantexaba se as deportistas xa clasificadas deberan pasar por unha nova selección no caso de trasladarse os Xogos Olímpicos nipones cara a unha data moi afastada no tempo, como así vén finalmente de suceder. Moitas dúbidas sen resposta que precisaban un escenario máis definido.
Durante a reunión, Thomas Bach e Abe Shinzo alabaron o traballo realizado polo Comité Organizador de Toquio 2020 e mencionaron o progreso sigfinicativo de Xapón na loita contra o COVID-19. Onte, Tedros Adhamon, o director xeral da Organización Mundial de la Salud (OMS) dixo que se estaba acelerando. Máis de 375.000 casos en practicamente todos os países do mundo e as cifras crecen cada hora.
Ante as circunstancias actuais e basándose na información da OMS, o presidente do COI e o primeiro ministro de Xapón, país que acollerá a competición, decidiron que os Xogos da XXXII Olimpiada en Toquio celebraríanse despois do 2020, pero non máis tarde do verán de 2021. Esta medida pretende protexer a saúde das e dos deportistas, das persoas implicadas nos Xogos tanto Olímpicos como Paralímpicos e na comunidade internacional.
Así o mostraban as redes sociais do Comité Organizador coa seguinte publicación:
Tamén a conta de Instagram do Comité Paralímpico Internacional (IPC) daba conta da nova das novidades con respecto ao aprazamento.
A Chama Olímpica permanecerá en Toquio e será un símbolo de luz
Nesa conversa que mantiveron telefonicamente, os líderes anteriormente citados conviron en que, nestes tempos difíciles, os Xogos de Toquio poderían convertirse nunha fonte de esperanza para o mundo e que a Chama Olímpica podería ser a luz ao final do túnel na que nos atopamos agora mesmo.
Por ese motivo, decidiuse que o lume que anuncia os Xogos Olímpicos permanecerá en Xapón, onde xa se atopaba. Tamén pactaron manter o mesmo nome: Xogos Olímpicos e Paralímpicos de Toquio 2020. Aínda que vaian a celebrarse no ano 2021.
Na conferencia ademais do presidente do COI (Comité Olímpico Internacional), Thomas Bach, e o primeiro ministro de Xapón, Abe Shinzo, tamén participaron Mori Yoshiro, presidente do Comité Organizador de Toquio 2020; Hashimoto Seiko, ministra para os Xogos Olímpicos; Koike Yuriko, gobernadora de Toquio; John Coates, presidente da Comisión de Coordinación do COI; Christophe De Kepper, director xeneral do COI; e Christophe Dubi, director executivo dos Xogos Olímpicos.
Reaccións de deportistas galegas
Diferentes deportistas galegas estaban pendentes desta decisión para coñecer como plantexar a súa preparación para unha cita crucial nas súas carreiras deportivas.
Por exemplo, a atleta Ana Peleteiro consideraba que este cambio podería ser unha oportunidade e apuntaba: “Este cambio de última hora podería provocar en min un sentimento de frustración, pero prefiro levalo á esperanza e ver esta situación como unha oportunidade para chegar aos que espero que sexa os meus primeiros XX.OO. mellor preparada e con máis madurez. Os planes futuros terán que agardar, pero sendo esta a razón, a verdade é que non doe nin un pouquiño telo que aprazar todo 365 días”.
Remabata a súa publicación tirando de refraneiro popular e indicando que “non hai mal que por ben non veña”.
Pola súa parte a triatleta paralímpica Susana Rodríguez Gacio, que ademais é MIR e está activa nesta crise como persoal sanitario, explicaba na súa conta de Twitter que “cando un soño se cumple (ou por algunha razón non é posible)… ouro novo empeza a xurdir… e agora chámase Tokyo2021… Irei a por ti aínda que sexa longo e duro”.
Cuando un sueño se cumple (o por alguna razón no es posible)… otro nuevo empieza a surgir… y ahora se llama Tokyo2021… Iré a por ti aunque sea largo y duro ❤️💪🏻 #staystrong #RGTeam #Delikia @Paralimpicos pic.twitter.com/LRPRvhnPAN
— Susana Rguez. Gacio (@SuRGAcio) March 24, 2020
