Nos Xogos Olímpicos de París 2024 farase historia incluso antes de iniciarse a competición. Estes serán os Xogos nos que por vez primeira o número de mulleres iguale ao dos homes no global de deportistas. España leva máis mulleres que homes na súa expedición. No caso de Galicia elas tamén son maioría. Haberá 17 deportistas femininas e 15 masculinos. Moitas desas mulleres son claras aspirantes a metais.
A delegación galega nos Xogos Olímpicos de París 2024 está conformada por 32 deportistas con licencia da nosa comunidade dos que 17 son mulleres e 15 son homes. España achega un total de 383 deportistas dos que 190 son homes e 193 son mulleres. E, por primeira vez, tal e como apuntaba a compañeira Natalia Pablo no seu artigo ‘Charlotte, perdoa polo retraso‘, a representación representación feminina nos Xogos Olímpicos é igual que a masculina (dos 10.050 atletas 5.025 serán mulleres).
A lista de deportistas con licencia galega que estarán competindo nos Xogos Olímpicos de París 2024 é a seguinte:
ATLETISMO
- Adrián Ben
- Ana Peleteiro
- Antía Chamosa
- Belén Toimil
- Ester Navarrete
- Tariku Novales
- Yulenmis Aguilar
BALONCESTO
BALONMÁN
- Alicia Fernández
- Rodrigo Corrales
BOXEO
- Enmanuel Reyes
JUDO
- David García
- Fran Garrigós
- Laura Martínez
- Niko Shera
NATACIÓN
PATINAXE
PIRAGÜISMO
- Antía Jácome
- Carlos Arévalo
- Carolina García
- Diego Domínguez
- Manu Ochoa
- Pablo Crespo
- Rodrigo Germade
- Sara Ouzande
- Teresa Portela
REMO
- Caetano Horta
- Rodrigo Conde
TRÍATLON
- Antonio Seoane
VELA
De Coubertin á paridade olímpica
A igualdade no ámbito deportivo vai acadando metas tamén no olimpismo. Atrás quedou, afortunadamente, a lamentable reflexión do creador dos Xogos Olímicos modernos, Pierre de Coubertin, a quen se lle atribúe a frase: “As mulleres só teñen unha labor no deporte: coroar aos campións”, seica dixo.
Desde que Charlotte Cooper se convertera na primeira muller en gañar unha medalla olímpica, naqueles xogos de París de 1900, ata hoxe pasaron moitos anos, 124 para ser exactos. Neste tempo a muller deportista tivo que loitar por facerse cun lugar no olimpo dos deuses do deporte, nos Xogos Olímpicos. Pero chegou para quedar. A paridade olímpica, tamén.
