O Ourense Envialia FSF e o Cidade de As Burgas abriron este mércores 5 de maio ás xornadas Xogando con futgal. Os dous equipos femininos de Ourense visitaron o colexio Divino Maestro como parte do programa da Real Federación Galega de Fútbol (RFGF), que pretende fomentar a actividade física entre os escolares.
Na súa estrena, a iniciativa puxo en movemento a decenas de alumnos e alumnos de Primaria nas que o balón foi o protagonista. Entre as participantes estivo a xogadora do Envialia Judith Pedreira e a do Cidade de as Burgas Sonia Pacios, que puideron compartir con eles a súa experiencia, así como todos os valores que aprenderon na súa práctica do fútbol sala.
O proxecto educativo ” ” despega no colexio Divino Maestro de Ourense
⚽️ Os clubs @OUenvialiaFSF e @SalaOurense2014 compartiron con decenas de nenos de entre 6 e 13 anos a súa paixón polo fútbol sala
https://t.co/7R9odxBplN pic.twitter.com/gpOZCxOb3E
— RFGF (@futgal) May 5, 2021
A actividade estendeuse dous días, nos que participaron ademais o adestrador Gonzalo Iglesias Morenín e o psicólogo de Envialia. Desde o conxunto do Cidade de As Burgas, arribaron a goleadora Fara Antolín, Canolich e o adestrador Manolo Codeso, ademais da anteriormente citada Sonia Pacios.
O Sala Ourense contou así mesmo con representación da man dos xogadores Iván Costa e Gustavo Sepa, que estiveron acompañados polo preparador Óscar Vivian. Luis Pampín e Óscar Alcantarilla, do Pabellón Ourense, pecharon a lista de invitados na estrea deste programa.
A experiencia coa futgal de Judith Pedreira e Sonia Pacios
Tanto os deportistas como os preparadores esforzáronse por transmitirlles aos escolares a súa paixón polo balón e polo talento, esforzo e constancia que esixe unha especialidade como o futsal. Salientaron de igual xeito a importancia de realizar actividade física regularmente, a meta central desta iniciativa pioneira.
A Federación Galega de Fútbol orienta estas xornadas a implantar un xeito de vida saudable nos estudantes. Válese para iso do tempo compartido con deportistas de primeiro nivel, que xogan na máxima categoría desta disciplina en España, como Judith Pedreira e Sonia Pacios. De ambas as dúas e do resto de visitantes puido o alumnado aprender en primeira persoa.
As e os futbolistas benefícianse do mesmo xeito deste tipo de encontros, e algunhas como Pedreira non dubidan en indicar que “dos máis pequenos hai moito que aprender en todos os aspectos”.
Outra das grandes xogadoras da comunidade, Vane Sotelo, foi a escollida como imaxe de campaña do programa de futgal. A futbolista do AD Alcorcón, e candidata a Mellor Xogadora dos premios FutsalPlanet, ten como homólogo masculino ao membro de O Parrulo Ferrol, Adrián Martínez, que transmite como ela, segundo indica a federación, “os valores cos que a RFGF pretende contaxiar a todos os nenos e nenas de Galicia”.
Ferrol, próxima parada
Xogando con Futgal desenvolverase en centros escolares de varios municipios galegos. A próxima parada será Ferrol, concretamente no Colexio Mercedarias o 11 e 12 de maio. Do 12 ao 13 chegaralle a quenda ao Colexio San Narciso de Marín, e os días 21 e 22 ao Colexio Plurilingüe Labor de Vigo. Os seus estudantes de entre 6 e 13 anos serán o foco do programa, que terá lugar durante as clases de Educación Física.
En total, cada centro gozará de dous sesións, unha teórica e outra práctica, con varios referentes dos clubs máis representativos de Galicia. Ofrecerase aos participantes sorteos de material deportivo, e premiarase a súa implicación e presenza cun agasallo.
As xornadas non se limitarán a este mes, senón que alongaranse no tempo durante os vindeiros para acadar á maior cantidade de colexios posible. A Real Federación Galega de Fútbol conta con confirmar próximamente novas datas, e xa anunciou que chegará a Santiago, Lugo e A Coruña. Ademais, os centros educativos interesados poden solicitar a súa inclusión no programa chamando ao teléfono 981 900 600 ou escribindo un mail ao enderezo electrónico futbolsala@futgal.es.
Onte o noso clube participou no proxecto educativo ” ” de promoción do fútbol sala da @futgal
Visitamos o colexio Divino Maestro xunto con representantes de @OUenvialiaFSF @SalaOurense2014 e @cidadeasburgas#SerDoPabeMola #XogandoConFutgal pic.twitter.com/ccbftwI5Ii— Pabellón Ourense CF (@pabelloncf) May 7, 2021
