A campaña de Xogando ó Atletismo continúa traballando na comarca do Ortegal. Desta vez sería o CEIP José María Lage que conta ca intervención de Olga Vicente, en calidade dun dos membros do equipo que está a levar a cabo este proxecto, organizada pola Federación Galega de Atletismo.
Entre os obxectivos da axenda, estivo a de iniciar as nenas e os nenos e adolescentes na práctica do atletismo, ademáis de inculcarlles diferentes valores como a socialización, o compañeirismo ou o traballo en equipo, co fin último de poder culminar ca creación dunha nova entidade deportiva na vila.
O Vicepresidente da Área Social da FGA, Jesús Vázquez destacou “son iniciativas moi interesantes para o desenvolvemento do atletismo e estamos moi agradecidos tanto a Olga Vicente como a Raúl Redondo, por esta progresiva expansión tanto na Mariña de Lugo como agora de forma progresiva no Ortegal”.
O pasado novembro, a campaña de atletismo foi un éxito na pista de Expourense
Arredor de oitocentas nenas e nenos estiveron presentes nesta actividade de atletismo na pista cuberta de Expourense. A iniciativa integrouse dentro das actividades que forman o Sportur Galicia III Salón do Deporte e Turismo Activo.
