Merino xa ten data para ser intervida cirurxicamente da súa fractura na clavícula dereita. O Hospital Quirón Salud da Coruña, será o centro sanitario no que a futbolista reciba a atención médica polo equipo que liderará o doutor Carrero. Pasará por quirófano mañá, mércores 26.
A centrocampista do Dépor ABANCA, Alba Merino, lesionábase nese óso do ombreiro no transcurso do partido contra a Real Sociedad. O encontro disputábase en Abegondo e correspondía á Liga Iberdrola
Segundo informa o RC Deportivo, a xogadora, “tras ser dada de alta hospitalaria, comezará o seu proceso de recuperación a cargo dos Servizos Médicos do club“.
” F8rza Alba “
Na foto de equipo da previa do partido contra o Sporting Huelva, o once inicial do Dépor ABANCA luciu unha camiseta cunha mensaxe de ánimo á súa compañeira que dicía: “F8rza Alba. Un único ladido”. Facían así referencia ao dorsal da súa compañeira lesionada e ao lema inspiracional que ten o RC Deportivo feminino desde hai tempo.
Sobre a orixe desta frase (Un único latido) que o plantel deportivista utilizaba para trasladarlle os seus folgos á súa compañeira, As Nosas informaba na súa reportaxe ‘Polos seus hashtags habédelas coñecer‘, publicada hai pouco.
