A pista cuberta de Expourense dará acollida durante este sábado, 20 de marzo, a partir das 10.30 horas a unha intensa e fermosa xornada atlética na que os principais protagonistas serán os máis pequenos e pequenas do noso deporte. Disputarse neste recinto o XIV Campionato de Galicia Sub-10, Sub-12 e Sub-14.
Preto de 650 rapaces e rapaces tomarán parte nesta importante cita deportiva galeg seguindo estritamente as directrices sanitarias marcadas no Protocolo Fisio-covid que a Federación Galega de Atletismo está implantando desde o comezo da actividade deportiva.
Este campionato non terá público para previr contaxios de COVID-19
Ás bancadas só terán acceso un número restrinxido de adestradores e responsables de clubs participantes previamente acreditados, estando a actividade competitiva aberta só para concursos e probas de velocidade.
Tanto por número de participantes como por número de carreiras e concursos, este é con diferencia o campionato autonómico de pista cuberta que máis número de rapaces e rapazas moviliza e tamén o que conta cun maior seguimento. Para elo se emitirá en directo a través da canle YouTube da Federación Galega de Atletismo (FGA) a retransmisión íntegra do campionato.
