Hoxe domingo 30 de abril ás 23.59 horas, conclúen os prazos para poder participar na Baixada de San Pedro de Visma que pertence ao Circuíto Coruña Corre.
Se es das persoas que aínda non se apuntaron á segunda proba do calendario deste circuíto, a XIV Baixada Popular de Cros San Pedro de Visma, tes de prazo ata hoxe vindeiro domingo, 30 de abril, ás 23:59 horas, para facelo picando no formulario de inscrición da Coruña Corre que atoparás aquí.
Se xa che apuntaches a Coruña Corre, lembra que, se queres participar na proba do próximo 7 de maio en San Pedro de Visma, xa non é necesario confirmar a túa inscrición, tal e como recolle o regulamento.
Para figurar nas clasificacións finais de Coruña Corre é necesario, estar apuntado a todo o circuíto e participar en catro probas das sete do calendario.
A cota de inscrición para o circuíto é o seguinte:
| INSCRICIÓN AO CIRCUÍTO | ||
|---|---|---|
| CONCEPTO | MAIORES DE 18 ANOS EN XERAL | PERSOAS DESEMPREGADAS, +65 ANOS E CARNÉT NOVO |
| COTA | 12,00 € | 7,00 € |
| CHIP | 12,00 € * | 12,00€ * |
| TOTAL | 24,00 € | 19,00 € |
| INSCRICIÓN (COTA E CHIP) PARA MENORES GRATUÍTA | ||
| *Chip circuíto: Os participantes que compren o chip para a presente edición poderán devolvelo ao finalizar a última carreira e recuperarán a fianza de 5€ | ||
Se te inscribes por carreira e non ao circuíto, a cota é a seguinte:
| INSCRICIÓN A CADA CARREIRA (DE FORMA INDEPENDENTE)) | ||
|---|---|---|
| CONCEPTO | MAIORES DE 18 ANOS EN XERAL | PERSOAS DESEMPREGADAS, +65 ANOS E CARNÉT NOVO |
| COTA | 3,00 € | 2,00 € |
| CHIP REUTILIZABLE | 2,00 € | 1,00 € |
| TOTAL | 5,00 € / carreira | 3,00 € / carreira |
| INSCRICIÓN (COTA E CHIP) PARA MENORES GRATUÍTA | ||
Seguintes citas do Coruña Corre
Despois da XIV Baixada Popular Cros San Pedro de Visma da próxima semana, o Circuíto Coruña Corre continuará coa IX Carreira Popular Los Rosales (o 21 de maio), a Popular de Matogrande (25 de xuño), a Volta a Oza (10 de setembro), a Popular do Ventorrillo (22 de outubro) e a de Novo Mesoiro (26 de novembro).
