O equipo do Ximnasia Tempo vén de conseguir manter un ano máis a súa praza na Segunda División Nacional da Liga Iberdrola de GAF, segundo informan desde o propio club. O grupo está conformado polas ximnastas: Nadia Albacete, Paula López, Rocío Amor, Jessica López e Inés Paterna.
A Liga Iberdrola de Gimnasia Artística Femenina (GAF) é a única liga absoluta da modalidade e o combinado do Ximnasia Tempo posúe a única praza de toda Galicia.
A Real Federación Española de Gimnasia anunciaba esta semana nun comunicado que a súa Xunta Directiva tiña aprobado a modificación da normativa da Liga Iberdrola GAF 2020 a consecuencia da situación deportiva e sanitaria na que está o deporte en España debido á pandemia do COVID-19.
A decisión da RFEG, de cancelar a fase regular que aínda quedaba por se celebrar, fai que as deportistas do Ximnasia Tempo se salven de participar na fase final. Esa etapa competitiva estaba prevista para o último cuatrimestres do ano 2020. Deste xeito, as galegas consiguen directamente a permanencia na Segunda División unha tempada máis.
A regularidade das súas competicións durante as fases previas, que si se disputaron, outórgalles un meritorio cuatro lugar na Liga que as sitúa neses postos de salvación.
En concreto a RFEG informa de que logo de analizar “a situación actual e as graves consecuencias que a pandemia da COVID19 ten deixado na actividade deportiva, para da desde o inicio do estado de alarma, procédese a modificar o Calendario 2020 suspendendo e/ou aprazando todas as competicións nacionais mencionadas” a continuación:
- Campeonato de España Individual GAM-GAF (24-28 xuño)
- Campeonato España Base de GAM-GAF (1-5 xullo)
- Campeonato de España TRA (9-12 xullo)
- Campeonato de España Parkour (18-20 setembro)
Desde a Real Federación Española de Gimnasia contan que traballan “nun novo escenario no novo calendario de competiciones estatais 2020” e sinalan que se informará do mesmo “tan pronto como sea posible”.
“Un pouco de luz na oscuridade”, di a directora do Ximnasia Tempo
Zeltia Garcia, directora do club, transmitía a alegría coa que todo o club ten recibido a nova. “Era un dos nosos obxectivos na Tempo. Ao menos un dos que si podemos cumplir dadas as circunstancias”, explicaba a responsable do club galego.
Segundo declara a Zeltia García: “Aínda que a situación e rara, gustaríame compartir a ledicia desta clasificación con todas as familias que conformamos o Ximnasia Tempo e xeralizado a todos e todas as deportistas e clubs que, aínda que o estamos a pasara mal, pelexamos día a día para ver un pouco de luz na oscuridade. O triunfo destas rapazas, un ano máis, fai que teñamos máis ganas de saír adiante desta situación tan crítica tamén a nivel deportivo”.
Zeltia García, directora do Ximnasia Tempo: “O triunfo destas rapazas, un ano máis, fai que teñamos máis ganas de saír adiante desta situación tan crítica”
A Federación estatal explica no comunicado que se está a “vivir un momento sen precedentes e desde a RFEG estamos tratando de adaptarnos a un novo futuro no deporte e isto non sería posible sen a colaboración da gran familia que somos na ximnasia”.
