- Nesta fin de semana de posta en marcha de competicións na península ibérica, a Copa de España femininina Cofidis de Estrada activouse en Noja (Cantabria). Alí estiveron varias ciclistas galegas.
O certame que visitará Pontevedra a finais deste mes, o domingo 26, deixou para as ciclistas da nosa comunidade un balance de dous postos de top-10. A cadete Alejandra Neira (Club Ciclista Cambre – Servicios Reunidos) cruzou a liña de meta na novena posición e na carreira júnior Xiana Camiña (CCB-Becani) asinou a sétima praza no seu bautizo do club betanceiro. No caso da categoría Élite – Sub-23 a corredora de EE.UU. con licencia galega, Allison Mrugal (Kiwi Atlántico – Louriña), foi sexta.
#CopaEspañaFemCofidis | 3️⃣ ciclistas con licenza galega remataron entre as dez primeiras das súas categorías na apertura da Copa de España de Estrada feminina en Noja
🚴♀️ CADETE 9️⃣ Neira @cambre_caeiro
🚴♀️ JÚNIOR 7️⃣ Camiña @CcBetanzos
🚴♀️ ELITE-SUB23 7️⃣ Mrugal @LourinaCycling pic.twitter.com/XDHzrHgP4f
— F_Galega de Ciclismo (@F_Gal_Ciclismo) March 6, 2023
A segunda xornada deste certame Copa de España femininina Cofidis de Estrada levará ás corredoras o vindeiro día 19 a Beasain (Guipúscoa).
Foi un bo debut para o CCB-Becani na primeira proba de Copa de España en Noja, cun sétimo posto na categoría junior para Xiana Camiña, colocándose ademais como a mellor galega clasificada nesa faixa de idade na que María Filgueiras (XSM– Santomé de Piñeiro) foi 11ª, e Lara Fuentes (CC Cambre – Servicios Reunidos) foi 13ª. Flis Agata, do FARTO-BTC Women´s Cycling Team, foi 11ª na categoría raíña, Élite-Sub-23. O FARTO sitúase como quinto clasificado na táboa por equipos.
En categoría cadete destacaron Alejandra Neira do CC Cambre – Servicios Reunidos, que foi novena, e Lorena Patiño do XSM – Santomé de Piñeiro que nesta ocasión foi 20ª na meta e vai 3ª na clasificación da Montaña.
Foi un bo debut para o equipo de feminino junior do Club Ciclista Betanzos na carreira disputada en Noja (Cantabria) e que inauguraba o calendario da Copa de España Féminas Cofidis desta tempada. A ciclista gañadora na categoría Élite-Sub-23 foi Lucía Ruiz.
A estrutura betanceira dirixida por Patri Roel e Ivan Bralo desprazaba á localidade cántabra ás sete corredoras que conforman a formación xuvenil do CCB, non tomaba a saída Lucía Torres aínda recuperándose dunha caída de hai unha semanas, pero se acompañaba ao resto de compañeiras.
Na liña de saída, 105 corredoras, con 40 ciclistas máster a maiores, sobre un trazado de 57km e dúas cotas puntuables para o premio da montaña. Segundo explican desde o club brigantino “o obxectivo para a corredoras do CCB-Becani era o de tomarlle o pulso á competición, despois de meses sen ritmo de competición, e sobre todo collerlle o ritmo a unha carreira onde se daban cita as mellores ciclistas do panorama estatal”.
“Marcábase unha estratexia desde o principio de estar atentas aos ataques e sobre todo levar a Xiana Camiña ben colocada para tentar aproveitar o seu sprint e conseguir coarse arriba no primeiro paso por meta volante”, contan desde o Club Ciclista Betanzos – Becani.
“Desde o inicio o ritmo foi moi alto e os ataques eran continuos nunha carreira moi nerviosa e con varias caídas. As seis corredoras do CCB-Becani aguantaron no grupo das favoritas no primeiro paso por Noja, para despois ir descolgándose Laura, Uxía e Sara. No grupo das principais aguantaban Lucía Ballester, Andrea Prado e Xiana Camiña, a falta de 10 km de meta unha mala colocación de Lucía deixábaa cortada nun segundo grupo entrando en meta no posto 54 a algo máis de tres minutos da vencedora”, relatan desde a entidade betanceira.
En meta Xiana Camiña lograba un máis que meritorio 7º posto nun disputada sprint final mentres que Andrea Prado sufría unha picada no último quilómetro que lle imposibilitaba disputar o sprint entrando no posto 21 no mesmo tempo do grupo.
No equipo brigantino fan un “balance moi positivo para o debut do CCB-Becani nesta tempada 2023 con moi boas sensacións nas seis corredoras”.
O vindeiro 26 de marzo celebrarase a terceira proba de Copa de España Féminas Cofidis de estrada que se vai celebrar en Pontevedra.
Ver esta publicación en Instagram
RESULTADOS DA PROBA DA COPA DE ESPAÑA
- GP CANTABRIA DEPORTE – VII TROFEO CICLISMO FEMENINO VILLA DE NOJA ELITE FEMININA
- GP CANTABRIA DEPORTE – VII TROFEO CICLISMO FEMENINO VILLA DE NOJA, CADETE FEMININA
- GP CANTABRIA DEPORTE – VII TROFEO CICLISMO FEMENINO VILLA DE NOJA, JUNIOR FEMININA
- GP CANTABRIA DEPORTE – VII TROFEO CICLISMO FEMENINO VILLA DE NOJA – RESUMEN
