- A Cocina Económica recibiu media tonelada de alimentos recadados grazas á San Silvestre coruñesa e, nos próximos días, entregarase o importe económico obtido grazas ás achegas solidarias.
- O listado de atletas gañadoras, cada unha na súa categorías, está conformado polas corredoras: Valentina Santiso, Susana Parguiña Lorena Pazos, Maite Sánchez, Nerea Sánchez, Dores Lago e Isabel Saborido.
- A organización sorteou máis 60 agasallos de colaboradores e patrocinadores para os máis solidarios, aqueles que realizaron unha achega á Cocina Economica, e que foron un total de 711.
A undécima edición da San Silvestre Coruña, que este ano tivo que adaptarse ás circunstancias sanitarias para transformarse nunha carreira virtual e solidaria, concluíu o Día de Reis cun total 1.850 participantes a través da app.
En canto aos resultados, que se rexistran en función dos tempos subidos, en infantís, Valentina Santiso, seguida de Jaime e Uxía Souza Vázquez, foron os máis rápidos na categoría de 2011 a 2014, e Lucas Pérez, Iago Varela Vázquez e Martín Vázquez Igrexas, nesta orde, os gañadores dos nados en 2010 e anos anteriores.
En carreiras de 5 quilómetros, había dous retos nesta San Silvestre. No de Riazor a San Amaro, os primeiros postos son para Javier Rego Sanfiz (16:44), Sergio Carril Brea (16:47) e José Ramón Pardo Galdo (18:33), en categoría masculina, e Lorena Pazos Rei (24:46), Noelia Fernández Abelenda (25:33) e Mónica Bermúdez Pouse (25:51), na feminina.
No percorrido de O Parrote á Torre da San Silvestre impuxéronse Rubén Reborido (19:08), Nacho Campos (19:33) e Aitor Pazos Gómez (19:55) e Susana Parguiña Fernández (23:54), Susana Amor (26:26) e Anxos Castro Fernández (26:41).
Resultados en 10 quilómetros da San Silvestre
Na distancia de 10 quilómetros tamén había dúas probas. No reto Riazor-O Parrote, a vitoria foi para Sergio Carril Brea (34:06), seguido de Jesús Fernández Soenas (34:15) e Adrián Nemiña (36:49), mentres que entre as mozas a primeira foi Maite Sánchez Ballesta (42:29), María Estraviz Pardo (42:16) e Estefanía Pabst Fernández (49:26). No reto Parrote-Millenium, o mellor tempo é o de Luís García López (38:08), con Carlos Rivas Barcala (39:30) e Jaime Álvarez-Ossorio Varela (40:24), como segundo e terceiro, respectivamente. En categoría feminina, a gañadora é Nerea Sánchez Rocha (44:47), seguida de Shirley Soto (48:20) e Estefanía Pabst (49:26).
En canto ao Camiño Inglés, o mellor tempo é o de Dores Lago González, que fixo o percorrido desde Illinois, seguida por Susana Cepa e José López Parga. Como novidade, este ano incluíase unha categoría Diversa Inclusiva, na que os primeiros postos foron para Reynaldo Botana Jiménez, seguido de Roberto Montes Teijido e Isabel Saborido González.
Aumento da participación feminina
Ademais, a carreira logrou bater a súa marca de participación de mulleres, co 36% das inscricións. O ano pasado esta porcentaxe era do 35% e, aínda que aínda é baixo, vaise incrementando ano tras ano a participación feminina.
A pesar de que a carreira este ano tivo que ser virtual, entre os participantes máis solidarios, que son quen realizaron unha doazón á Cocina Económica, sorteáronse máis de 60 sorteos de premios grazas aos colaboradores e patrocinadores, como xamóns do Piñeiral, reloxos deportivos de Joyería Calvo, lentes de sol de Óptica Castro, bonos de saúde de Termaria, packs de Coca Cola e Gadis e dorsais para as próximas edicións das carreiras da Muller e San Silvestre de 2021.
Entre os participantes, houbo unha gran diversidade, empezando pola idade. Hai anotadas catro acodes de 75 anos, unha muller e tres homes, mentres que no extremo oposto hai dous nenos e dúas nenas de só seis anos de idade. En canto ás descargas, a maioría son da Coruña, aínda que houbo participantes de Portugal, Reino Unido, Hungría, Alemaña, Francia, Italia, Venezuela, Ecuador e, sobre todo, Estados Unidos. Dentro de España, hai corredores de Asturias, Baleares, Cataluña, País Vasco, Castela e León e Madrid.
A XI San Silvestre está organizada por Club Rialto, coa colaboración do Concello da Coruña e con Abanca, Castro Ópticos e Gadis como patrocinadores. Ademais, tamén colaboran Coca Cola, Termaria, Etnia Barcelona, Jamonerías O Piñeiral, Transdelfer, Decathlon, La Opinión A Coruña, Radio Coruña e Fibex.
