Fin de semana de competicións de atletismo para o deporte galego. Nestas datas continúan sucedéndose para os nosos clubs e atletas unha variada axenda competitiva onde os Campionatos de España ocupan un papel relevante. En concreto durante este sábado e domingo, desenvolveranse dúas importantes citas que terán por escenario tanto o campo a través como a ruta.
O primeiro deles xuntará a un total de 24 equipos galegos que desde as categorías de Sub-16 ata a Absoluta desenvolverán xunto ao resto de equipos achegados do resto do Estado o seu Campionato Nacional de campo a través por equipos.
Será a localidade hispalense de Santiponce quen acolla esta edición na que por parte galega destaca a presenza na categoría Sub18 masculina da formación do Real Club Celta quen lograba o ano pasado en Soria o subcampionato nacional. De igual modo tamén salientamos á formación da Atlética Lucense cuartos clasificados nese mesmo campionato e categoría.
No terreo individual, o atletismo galego contará ca presenza na línea de saída tanto de Xela Martínez da Atlética Lucense na categoría Sub16, como de Medih El Nabaoui do Playas de Castellón na categoría Sub20 os cales intentarán repetir os primeiros posto logrados na edición do ano pasado.
Un interesante Campionato de España máster de marathón
Mentras tanto, e a casi 1.400 quilómetros, en pleno archipiélago canario, seis atletas da nosa comunidade van tomar parte nas xornadas de sábado e domingo no Campionato de España de marathon máster. Xa hai ganas de retomar a competición logo do parón obrigado do ano pasado pola prevención da transmsión da COVID.
Na representación de deportistas galegos compre resaltar a presenza do atleta do Ourense Atletismo José Benito Gómez quen fai dos anos en Logroño acadaba o campionato nacional na categoría M60 cun rexistro de 2h.59:02. Xunto ao ourensá estarán tamén a independente Belén Gómez, os atletas do Fontes do SAR Antonio Juanatey, Ramón García, e Juan Carlos Brandón así como José Luis Rilo do Running Oleiros.
