Xela Martínez e Ainhoa Repáraz convertíronse nas protagonistas do Campionato de España Sub-18 que se levou a cabo na localidade andaluza de Jeréz de la Frontera durante a pasada fin de semana, segundo informa a Federación Galega de Atletismo.
Ver esta publicación en Instagram
No caso da atleta lucense, esgótanse os calificativos para definir o talento que posúe esta formidable deportista galega que, da man do seu adestrador Noni Piñeiro, lograba acadar o seu sexto récord estatal para asombro de toda a comunidade atlética. Non parece ter límites. Desta ocasión, Xela Martínez foi récord de España na categoría Sub-18 na proba deportiva dos 2.000 metros obstáculos. A atleta lucense conseguía pulverizaba por algo menos de 14 segundos a marca anterior. Este novo récord dunha novísima Xela Martínez pon de manifesto as súas enormes cualidades deportivas que a están a convertir nun auténtico valor de futuro a esta deportista galega tremendamente prometedora e aínda en progresión.
Acadaron medalla: Xela Martínez, Ainhoa Reparaz, Carlota Salgado e Aldara Meilán
No caso da tamén galega Ainhoa Reparaz, o seu concurso no Campionato de España Sub-18 foi un paso máis para confirmar a excelente tempada que atesora esta atleta e que levou a esta deportista a lograr os récords galegos nas distancias de 100 metros e 200 metros nas categorías Sub-20 e Sub-23, así como a acadar o seu debut ca Selección Española de atletismo. Nesta ocasión, en Jeréz de la Frontera, a deportista galega Ainhoa Repáraz lograba facerse co título estatal na proba dos 200 metros. Este novo hito na súa carreira deportiva colocan a Ainhoa Repáraz na senda da internacionalidade nesta modalidade deportiva.
Xunto a estas dúas deportistas de Galicia, non menos destacado foi campionato desenvolto pola atleta do Celta Carlota Salgado que no concurso de combinadas, sumaba un total de 4.779 puntos conseguindo un novo subcampionato estatal que suma ao logrado no Campionato de España en pista cuberta.
E continuando coa participación de deportistas da nosa comunidade, hai que cualificar tamén de importante a actuación que asinou a marchadora da Atlética Lucense Aldara Meilán. Esta deportista lograba en Jerez de la Frontera a medalla de bronce asinando ademais cun bo rexistro de 23:32.62 nos 5.000 marcha e repetindo posición con relación ao Campionato de España de ruta de inverno.
Ver esta publicación en Instagram
Continuando cas medallas, a atleta do Ourense Atletismo Blanca Pereira confirmaba a súa gran progresión lanzando no concurso de martelo ata os 61.41 m. que lle daban acceso á medalla de prata do campionato nacional. Con ela continúa fortalecéndose o importante sector de lanzamentos para o noso atletismo.
Na categoría masculina excelente campionato do barbanzán Fabian Vidal logrando con 48.11 todo un triunfo ao conseguir a medalla de bronce sobre a proba dos 400 m. non sin antes mellorar a súa marca personal en 89 centésimas. Esta marca permítelle entrar pola porta grande na elite galega dos 400 m. xunto a Juncal e Soler.
Foron destacadas tamén as posicións de finalistas logradas por:
- Emma Sihuang Pérez da Atlética Lucense 4ª en altura con 1.70 m.
- Lisa Vosberg do A.F. Celta 4ª en pértega con 3.55 m.
- Pablo Sánchez da Atlética Lucense 4º nos 10.000 marcha con 46:16.74
- Fernando Vallines do Maderas Barcia Lourenzá 4º en peso con 15.65 m.;
- Iván Rego do Lucus Caixa Rural 6º nos 1.500 con 4:02.38,
- África Gómez do Ourense Atletismo 7ª nos 200 m. con 25.71;
- Leila Villar do Ourense Atletismo 7ª nos 3.000 m. con 10:57.15
- Sara Guedes da Atlética Lucense 7ª nos 2.000 obs. con 7:12.49
- Alicia Barreiro do Ría Ferrol 8º nos 400 m. con 57.54
- Daniel Cariñena do Millaraio 8º no salto de lonxitude con 6.66 m.
Ver esta publicación en Instagram
