Xela Martínez, do clubAtlética Lucense, segue sumando éxitos á súa aínda curta (pola súa idade) pero exitosa carreira como atleta, e posiciónase xa como a mellor da historia nos 3.000m. da categoría sub16. Ao seu ouro engádese o bronce acadado por Lisa Vosbe,rg, da AVA en pértega como principais logros do atletismo galego no Campionato de España sub16 de pista cuberta.
Xela Martínez y Koji Pérez brillan en un #CEatletismoSub16 ilusionante
La crónica de un fin de semana de #GeneraciónAtletismo en Oviedo 📝 https://t.co/w42UolYY17 pic.twitter.com/L6tNO6buj2
— atletismoRFEA (@atletismoRFEA) March 22, 2021
Un total de dez deportistas galegas e once galegos acudiron á cita que tivo lugar a pasada fin de semana no Pazo dos Deportes de Oviedo.
Novo récord de Xela Martínez
A esta proba en terras asturianas, a plusmarquista do Atlética Lucense, Xela Martínez, acudía co récord de España Sub-16 e Sub-18 nos 3.000 metros cun rexistro de 9:28.34, pero a deportista e equipo que a adestra decidiron que era máis interesante que competise nos 1.000 metros.
Nesta distancia, máis curta, a atleta galega xa conseguira un récord autonómico, cunha marca de 2:49.31, un resultado moi similar ao que finalmente conseguiría na competición estatal.
Xela Martínez, coa súa marca 2:49.81 conseguía facer a mellor marca española en categoría Sub-16 da historia. Un tempo que tamén lle valeu o ouro do torneo.
Explicaban na súa crónica do evento deportivo desde a RFEA que “non por esperada, a soberbia actuación da fondista galega da Atlética Lucense deixa de ser menos brillante. Pupila de Javier Piñeiro, Xela Martínez xa batera facía unha semana a mellor marca española Sub-16 e Sub-18 de 3000m en pista cuberta con 9:28.34. Acudía a Oviedo en calidade de vixente campioa de 3.000 m e preferiu retarse nunha distancia menor: desafío completado”.
Xela Martínez púxose á fronte da carreira desde a primeira volta
Relatan desde a Real Federación Española de Atletismo que “nun alarde de valentía, Xela Martínez tomou o mando da carreira desde a primeira do cinco voltas e non botou a vista atrás até cruzar a meta co ouro ao pescozo. Con ese ritmo altísimo, a moza de 15 anos liderou unha final que entra de cheo aos libros de historia, pois os seus acompañantes no podio, Alicia González (C.A. Silla, Juan de Dios Cobo) e María Alduán (Ruizca – Ribera Atlético), colocáronse 3.ª (2:52.25) e 9.ª (2:55.88) do ranking Sub-16 de todos os tempos”.
🚺 PODIO – 1000m
🥇 Xela Martínez 2:49.81 RE
🥈 Alicia González 2:52.25
🥉 María Alduán 2:55.88🗓 https://t.co/y8ZjVS26cK
📺 https://t.co/3LjOYUhne0#CEatletismoSub16PC#GeneraciónAtletismo pic.twitter.com/qZZJd13NW5— atletismoRFEA (@atletismoRFEA) March 21, 2021
A outra medalla galega: Lisa Vosberg
No salto con pértega, o talento galego tamén destacou da man da atleta Lisa Vosberg, da AVA. A deportistas colgouse a medalla de bronce no concurso de pértega cunha marca de 3.22 metros.
Por riba dela quedaron Noa Martínez, cunha marca de 3.22 e Cristina López, quen se levou o ouro cun 3.45.
Así quedaron as atletas galegas no sub16 de pista cuberta
No relativo aos resultados do resto de atletas galegas participantes, as marcas foron máis dispares.
En 60 m. a atleta do Lucus Caixa Rural Galega, Antía Pernas, acadou a quinta posición cunha marca de 7.95. En 300 m., Arauia Al Bachare, do C.A. Estrada, acadou a terceira posición na terceira semifinal.
Xa nos 600 m., Alicia Barrero, do Ría Ferrol, logrou a segunda posición na primeira semifinal. Nos 1.000 m., proba na que Xela Martínez se corou, a tamén galega Candela Sánchez, do S.M. Marín, foi cuarta. En 3.000 m. participou Sara Guedes, do Atlética Lucense, cun sexto posto na Final A.
En 60 valos, a representante galega foi Adriana Rial, do Samertolameu, quen conseguiu un quinto posto na segunda semifinal. En pértega, ademais do bronce de Vosberg, Manuela Blanco, do Ourense Atletismo, rematou na sétima posición. Finalmente, xa no concurso de peso, Gema Dacosta, do AV Cangas, quedou na sexta posición.
Consulta nesta ligazón os resultados completos da competición.
Procolo AntiCOVID cons test in situ
O atletismo estase a caracterizar por contar un estrito control para previr a transmisión da COVID-19 nas probas deportivas que se celebran.
Neste caso, unha vez máis, segundo informa a RFEA o primordial foi a protección da saúde de todas as persoas presentes na instalación, contou con estritas medidas sanitarias e de prevención contra o COVID-19. A competición desenvolveuse sen asistencia de público e só accederieron as persoas previamente acreditadas, que deberon pasar un test de detección de antígenos do COVID-19.
Os Servizos Médicos da RFEA encargáronse da realización das probas. Os resultados comunicáronse de maneira individualizada na propia instalación nun prazo aproximado de 15 minutos tras a toma de mostra e o resultado negativo permitirá a recollida da acreditación.
O uso de máscaras, obrigatorias en toda a instalación, os protocolos de limpeza, desinfección e hixiene en espazos e material de competición, a toma de temperatura nos accesos e a distancia de seguridade mínima de 1,5 metros en todo o centro foron algunhas das medidas que levaron a cabo.
Así mesmo, houbo un “Equipo protección COVID-19”, cuxa misión foi velar polo cumprimento do protocolo AntiCOVID.
