A atleta galega Xela Martínez, da Atlética Lucense, brilla con luz propia na distancia de 3.000 metros na que agora mesmo ostenta o título de campioa de España Sub16 ao aire libre (un título que asinaba en octubre pasado en Granollers) e tamén, desde agora, en pista cuberta tras o seu triunfo en Madrid. Pola súa parte a saltadora da A.F. Celta, Carlota Salgado, bateu o récord galego desta idade.
🚺 Podio 3.000 #CEatletismoSub16PC
🥇 Xela Martínez (10:01.16)
🥈 Marwa El Khouya (10:10.09)
🥉 Adriana Blanco (10:19.40)Repetición del podio Granollers ¡Enhorabuena!
🗓️ https://t.co/cUbnOmy47b#GeneraciónAtletismo pic.twitter.com/p6iyBnpcDS
— atletismoRFEA (@atletismoRFEA) December 20, 2020
Un ouro, unha prata, catro récords galegos e nove postos de finalistas, foi o balance das nosas e nosos atletas no Campionato de España Sub16 de Pista Cuberta desenvolto durante esta fin de semana nas pistas madrileñas do Gallur.
O primeiro dos metais logrados foi o que asinou, na colchoneta de altura, a saltadora do A.F. Celta Carlota Salgado. A galega lograría a segunda praza logo de saltar nada menos que ata os 1.69 m.
🚺 Podio Altura #CEatletismoSub16PC
🥇 Gabriela Sanz (1.72)
🥈 Carlota Salgado (1.69)
🥉 Ona Bonet (1.66)¡Enhorabuena!
🗓️ https://t.co/cUbnOmgsIB#GeneraciónAtletismo pic.twitter.com/wxtBLNbvo5
— atletismoRFEA (@atletismoRFEA) December 19, 2020
Con este excelente rexistro, tal e como informa a Federación Galega de Atletismo, a celeste lograba de igual modo un novo récord galego Sub16, que pon un extraordianario sabor de boca ao peche deste ano. Nesta mesma proba a lucense do Franciscanos de Lugo Enma Sihuang, lograba a quinta posición cun mellor salto de 1.63 m.
Récord galego de Xela Martínez nos 3.000 mts
Non por agardado resultou menos expectacular a medalla de ouro de Xela Martínez na proba dos 3.000 m. quen nun alarde de domino impúxose cun crono de 10:01.16 quitándolle máis de nove sugundos á segunda clasificada e establecendo un novo récord galego Sub16 da distancia.
Con esta plusmarca e co título nacional, Xela Martínez reafirma o seu extraordinario talento que fan da lucense a atleta femenina de base con máis proxección do sector de fondo nestes intres.
Outras das boas novas do campionato foron os récords galegos do atleta do Ourense Atletismo Pablo Cudeiro quen deixaría o crono na proba dos 60 valos nuns excelentes 8.74, logrando de igual modo con este rexistro a sexta posición na final da proba.
Lisa Vosberg do AVA pola súa banda sería quen de chegar no listón de pértega ata uns 3.21 m. o que lle supuxo un meritorio cuarto posto no concurso así como un novo récord galego da especialidade .
O resto de postos finalistas correron a cargo de Daniel Loureiro de A Silva quen foi quinto en lonxitude con 6.15 m; sextas posicións para Ainhoa Raparaz do Val Miñor nos 60 m. con 7.90; Adriana Rial do Samertolameu nos 60 valos con 9.18 e de Jorge Vázquez do Marineda nos 600 m. con 1:29.75. Antía Pernas do Lucus CRG nos 60 m. con 8.00 e o independente Victor Ramos nos 3.000 con 9:33.33 serían oitavos.
Por último tanto Jemal Samson do Rías Biaxas na proba dos 600 m. con 1:30.96 e Lucía Blanco do Ría Ferrol nos 60 valos con 9.56, lograron postos de semifinalistas.
Protocolo de prevención da COVID-19
A competición celebrouse con estricto cumprimento do protocolo de prevención da transmisión da COVID-19. As e os atletas accedían ao espazo competitivo aportando un test de antíxenos do coronavirus negativo, tomábaselles a temperatura para verificar que ninguén tiña febre, respectouse a distancia social e tamén se utilizou máscara facial dentro do recinto deportivo, a excepción feita do momento concreto no que as e os deportistas competían.
#CEatletismoSub16PC ➡️ Entre todos, creando un #EntornoSeguro y un #AtletismoResponsable
1️⃣ Antes de acceder a la pista:
🌡 Toma de temperatura
😷 Test de antígenos pic.twitter.com/AAQXUEeb7A— atletismoRFEA (@atletismoRFEA) December 19, 2020
