Nada menos que tres medallas e sete postos de finalistas foi o balance para os intereses galegos do Campionato de España Sub-18 de pista cuberta disputado esta fin de semana na cidade de Salamanca. A corredora da Escola Atlética Lucense, Xela Martínez, foi a principal protagonista galega ao vencer nos 3.000 metros e dominar a proba con solvencia.
💥CAMPIOA DE ESPAÑA DE PISTA CUBERTA💥
🥇Xela Martínez (E.A.Lucense)
👉3.000 m. con 9:39.58
📅Salamanca, 11 de marzo
Parabéns!https://t.co/zdJgJcpTaa pic.twitter.com/XpkF99bx9P— Atletismo Galego (@atletismogalego) March 12, 2023
Foron en concreto as probas de medio fondo e fondo as que deron un maior rendemento ás nosas e nosos representantes e na que novamente a proba dos 3.000 resultou determinante. A actuación máis salientable nesa proba correspondería á atleta internacional lucense Xela Martínez quen como era de agardar, non tivo rivais na mesma proclamándose campioa de España cunha diferencia de vinte segundos e un crono oficial de 9:39.58.
Do ouro de Xela Martínez, ao bronce de Teo de Frutos
Outra das medallas colleitadas sobre esta mesma distancia chegaba da man do tamén lucense do Lucus Caixa Rural Teo de Frutos quen confirmando a súa excelente progresión conseguía entrar na línea de meta na terceira posición cun rexistro oficial de 8:39.19. O trío destacado de lucenses foi completado por Miguel Alvariño da Escola Atlética o cal remataba nun excelente cuarto posto na final con 8:43.68.
💥MEDALLA DE BRONCE SUB18 NACIONAL DE PISTA CUBERTA💥
🥉Teo de Frutos (Lucus CRG)
👉3.000 m. con 8:39.19
📅Salamanca, 11 de marzo
Parabéns!https://t.co/i8B1mkqUxh pic.twitter.com/1o1fkLEgKR— Atletismo Galego (@atletismogalego) March 12, 2023
Medalla galega tamén nos 800m
Por último tamén resultou moi notorio o campionato desenvolto polo coruñés Daniel Salgueiro do Coruña Comarca quen logo de acceder á final por tempos na proba de 800m. E, xa nesa carreira definitiva, lograba unha excelente medalla de bronce neste Campionato de España Sub-18 de pista cuberta cun tempo de 1:54.86 (MMP). Cabe salientar que este é ou primeiro ano como Sub-18 de Daniel Salgueiro.
💥MEDALLA DE BRONCE NACIONAL DE PISTA CUBERTA💥
🥉Daniel Salgueiro U. (Coruña Comarca)
👉800 m. con 1:54.86
📅Salamanca, 12 de marzo
Parabéns! pic.twitter.com/n3CoJvoHiI— Atletismo Galego (@atletismogalego) March 12, 2023
A maiores resultaron tamén dignos de salientar os postos de finalistas logrados por Celia Castro do A.A. Mazí, 4ª nos 800 m con 2:17.66; Alejandro Villaverde da Gimnástica, 4º en pértega con 4.11; Fabian Vidal do Barbanza, 6º nos 400 m. con 50:52; Amparo Corredoira da Atlética Lucense 7ª nos 1.500 m. con 4:49.43; Gema Dacosta do Vila de Cangas, 8ª en peso con 12,89 m. e Matías Moldes da Gimnástica, 8º no concurso de combinadas de heptatlón cunha puntuación total de 4.457 puntos.
Resultados Campionato de España de Sub-18 de atletismo en pista cuberta
