Unha vez máis a atleta Xela Martínez semella non ter límites. Ao seu palmarés vén de sumar o título de campioa de España Sub-18 na distancia de 5.000m
Un balance provisional de tres medallas e catro postos de finalistas foi o resultado xeneral logrado polas atletas galegas e galegos que tomaron parte durante nos Campionatos de España disputados nestes días.
Para comezar Xela Martínez lograba o título de campioa de España Sub18 na proba dos 5.000 m. na cita disputada na localidade portuguesa de Faro. Un dos principais valores do atletismo galego impoñíase nunha proba cun gran nivel no que novamente a atleta da Escola Atlética Lucense daba mostras da súa gran calidade ao rematar na primeira posición invertindo un rexistro de 16:45.53.
Con este resultado, Xela Martínez rebaixaba ademais o récord galego que dende o ano 1995 tiña a corredora Alexandra Aguilar. O recurte de tempo foi, aínda por riba, en practicamente medio minuto. Impresionante!
Ver esta publicación en Instagram
No mesmo campionato no que Xela Martínez foi campioa foron igualmente moi salientables os postos de finalista logrados por Antía Castro do Ourense Atletismo quen lograba unha brillante cuarta posición na proba dos 5.000 Sub20 con 17:37.23. Sara Guedes da Atlética Lucense finalizaría en la 15° posición con un tiempo de 19:53.67
Esther Navarrete pola súa banda, asinaba unha meritoria sexta posición absoluta sobre os 10.000 m. con 33:23.49, destacando de igual modo o oitavo posto nos 5.000 Sub20 acacado tanto por Lucía Varela do Lucus Caixa Rural como por Hugo García do R.C. Celta.
🥇Un título de España e catro postos de finalistas, balance da actuación galega nos Campionatos de España de 10.000 m. e 5.000 m. desenvoltos en Faro (Portugal)https://t.co/Pg0SetfDZ7 pic.twitter.com/Ocmu1vsYkl
— Atletismo Galego (@atletismogalego) April 10, 2022
Bos resultados galegos no Campionato de España de Milla en ruta
Igual de notorios foron os resultados dos galegos e galegas desprazados ata a localidade canaria de Breña Baja para tomar parte no Campionato de España de Milla en Ruta máster e absoluto.
Nemesio Gutiérrez do Atletismo Friol lograba o título de Campión de España na categoría de M65 logo de invertir un rexistro de 5:49. Pola súa banda e de maneira provisional Amador Pena do S.D. Compostela facía o propio cun crono de 5:49 sobre a M45
🥇CAMPIÓN DE ESPAÑA
Nemesio Gutiérrez do Club Atletismo Friol, proclamouse Campión de España de milla en ruta M65 na edición celebrada no día de onte en Breña Baja cun rexistro de 5:49
Parabéns!https://t.co/RYG4uuSPES pic.twitter.com/1I6b75c6eN— Atletismo Galego (@atletismogalego) April 10, 2022
A terceira das galegas, Raquel Meaños do Valencia Atletismo, remataba na categoría absoluta na cuarta posición con 5:23.
