O Campionato de Galicia de XOGADE de campo a través disputouse o 15 de febreiro tendo de escenario da disputa o concello pontevedrés de Portes. As atletas e os atletas galegos acadaron boas marcas nesta modalidade do atletismo.
Na categoría Sub 16 individual, a campioa foi Xela Martínez do Atletica Lucense cun tempo de 10:16 seguida moi de cerca de Sara Guedas do Nascemento con 10:40. Doce segundos por baixo estaría Marcela Morgado Rodríguez do S.A. do Trega. Nos chicos, o gañador foi Nicolas López, do IES Mariñas de Betanzos.
Na mesma categoría pero por equipos, o club San Miguel de Marín coas atletas Carmen Aguiño Guio, Marta Novo Dios, Victoria Anna Cons Gestido e Ararat Pazos Meixus, subiú ao primeiro chanzo seguido do Ourense Atletismo (Mar Díaz Barreiro, Ánxela Seoane Rodríguez, Mencía Luis González e Leyre Padrón Morales) e do S.A. do Trega (Marcela Morgado Rodríguez, Uxía Rodríguez Huertas, Antia Rodriguez Otero e Lara Rodriguez Martínez). Nos homes, os vencedores foron o conxunto de Ourense Atletismo.
Candela Sánchez, campioa de campo a través en Sub 14
Na clase Sub 14 individual a primeira foi Candela Sánchez do San Miguel Marín cun tempo de 09:11. A cinco segundos de diferenza quedou Lorena Patiño, Club Deportivo Pinarium e cunha mesma marca —09:16— Paula Vázquez de La Mochila del Deporte. Nos chicos, Teo de Frutos, do LUCUS CTG, o primeiro.
No infantil por equipos, o Atletismo de Noia proclamouse campión seguido do Ourense Atletismo e o Atletismo Vila de Cangas. O conxunto de Noia estaba formado por Lua Arufe Calo, Ainara Fernández Rivadeneira, Daniela Rama Figueiras, Lucia Salanova Liste, Arale Fabeiro Cao e Estela Fernández Piñeiro. No infantis masculino os gañadores foron o Vila de Cangas.
Sabela Castelo, primeira en Sub 12
Por último pero non menos importante, Sabela Castelo do Vila de Cangas no Sub 12 individual pasou a primeira pola liña de meta en 07:11. Vinte segundos máis tarde o faría, Jimena Outes Graiño do Coruña Comarca e un segundo despois (07:32) Irma Veiguela Tizon do Ria Ferrol- Concepción Arenal. Hugo Collazo do Vila de Cangas sería o gañador para os Sub 12 masculinos.
Na mesma categoría pero por equipos, o Atlética Lucense formado por Carmen Martínez Domínguez, Nerea Vidal Ortega, Marimar Alvarez Aparicio e Carla Allegue Blanco. No segundo lugar quedou o Atletismo Vila de Cangas seguido do Ria Ferrol-Concepción Arenal. Nos homes, os vencedores foi o Atletismo Fontes do Sar.
