O Campionato de España sub16 de atletismo celebrado en Lleida deixa bo sabor de boca para o atletismo galego, cun total de seis medallas, vinte postos de finalistas, un récord de España e tres récords de Galicia. Destes, dous ouros e tres bronces, así como ambos récords e 12 finalistas foron femininas.
Novamente Xela Martínez, da Escuela Atlética Lucense, convertiuse na gran protagonista do campionato logo de invertir un rexistro de 4:42.82 na proba dos 1.500 obstáculos no que que ademáis de convertila moi destacadamente en campioa nacional, facían que lograse unha nova plusmarca nacional que engadir ás que este mesmo establecía na pista cuberta tanto nos 1.000 m. con 2:49.81, como na dos 3.000 m. con 9:28.34.
😱😱😱 ¡Espectacular Xela Martínez!
MEJOR MARCA ESPAÑOLA SUB16 DE LA HISTORIA
1500m obstáculos 4⃣:4⃣2⃣.8⃣2⃣#CEatletismoSub16 #GeneraciónAtletismo pic.twitter.com/BzqgKNkwZ8
— atletismoRFEA (@atletismoRFEA) July 17, 2021
Moi destacado tamén foi o título nacional na proba dos 100 m. de Antía Pernas do Lucus Caixa Rural, quen ademáis lograba un novo récord galego Sub16 con 12.33. Esta marcha a configura como un novo talento emerxente neste sector que está a experimentar un forte crecemento nos últimos anos.
Podio 🚺 100m
🥇 Antía Pernas 12.33 MP
🥈 Anastasia López 12.36 MP
🥉 Carla Cagigos 12.44 MP🔗 https://t.co/TkzJbxN7rO
📺 https://t.co/pckj56pY0I @LaLigaSportsTV#GeneracionAtletismo pic.twitter.com/Skh6H2O3js— atletismoRFEA (@atletismoRFEA) July 17, 2021
As outras medallas do atletismo galego
Seguindo cas carreiras a ferrolá do Ría Ferrol, Alicia Barreiro lograba unha estupenda medalla de bronce sobre a proba dos 300 m. con 41.16 que mellora o seu cuarto posto do nacional de pista cuberta sobre os 600 m. deste ano.
Novamente Lisa Vosberg do AVA lograba un novo metal nun campionato de España logo do seu bronce na pista cuberta deste ano, repetindo medalla e saltando ata os 3.30 m., confirmando así a súa excelente progresión.
Xa nos concursos, o sector de lanzamentos deixaba importantes resultados nesta cita ca medalla de bronce da campioa galega Sub16 en disco e peso Gema Dacosta do Vila de Cangas quen sobre esta última proba, e cun mellor lanzamento de 13.10 m., lograba o metal.
As finalistas galegas
De igual modo foron moi salientables o resto de actuacións das representantes galegas entre os cales a Federación Galega de Atletismo destaca os postos de Valeria González do A.F. Celta sobre os 300 m; Oleksandra Kostenko da Atlética Lucense nos 3.000 marcha, Lara Iglesias e Adriana Rial do Samertolameu en xavelina e 300 m. e a de Celia Castro da A.A. Mazí sobre a proba dos 600 m. todas elas rozando os postos de podio deste nacional.
En sétima posición das súas probas quedaron Natalia Rivas, do Atl. Cuntis, en 5.000 m. marcha, e Arauia Al Bachere, do C.A. Estrada, nos 300 m. valos.
Sara Guedes, do Atlética Lucense, foi oitava nos 1.500 metros obstáculos, mentres que Amparo Corredoira, do Franciscanos, foi novena nos 1.000 metros.
Pola súa parte, Claudia Sufuentes, do Atlética Lucense, foi décima nos 5.000 metros marcha, Nayr Cortegoso, do Val Miñor, tamén acadou esa praza en lonxitude, mentres que María Martín, do ADAS Proinor, foi 16ª nos 5.000 metros marcha.
