Con motivo do Día da Muller, o 8M, a Liga Guerreras Iberdrola lanza a primeira colección de cromos personalizados dunha competición feminina. En formato dixital e da man de Panini, esta iniciativa busca visibilizar a todas as xogadoras da máxima categoría do balonmán feminino español.
Por este motivo, entre os distintos cromos de porteiras, laterais ou pivotes, poderemos atopar e reunir ás galegas que conforman o Atlético Guardés e o Conservas Orbe Rubensa BM Porriño. En total, 296 cromos completan a colección.
Como podo ter a colección de cromos da Liga Guerreras?
Para acceder a ela, é necesario descargar a app MyPanini Digital Collection, e suscribirse de maneira gratuita. Cada 16 horas a propia aplicación reparte un sobre con 6 cromos dixitais sen ningún tipo de coste. Ademais, existe a posibilidade de adquirir moedas virtuais para intercambiar por sobres de cromos.
Durante as próximas semanas tanto a Liga Guerreras como os clubs, como o Guardés ou o Porriño, utilizarán o hashtag #MyPaniniGuerreras para promocionar a colección con distintas accións como a posibilidade de liberar códigos promocionais para conseguir máis sobres gratuitamente.
Completar a colección ten dobre premio. Ademais de reunir a todas as xogadoras da máxima competición poderán solicitar, se completaron un 70% ou máis, o álbum en formato físico, para ter unha peza de coleccionista da historia do balonmán español.
¡➕2⃣0⃣0⃣0⃣ USUARIOS ya han descubierto #MyPaniniGuerreras, la primera colección de cromos de una liga femenina! @iberdrola @paninicromos 💚
📲 Descarga la App #MyPaniniDigitalCollection
✔️ Colecciona cromos, ¡e intercámbialos!🔁
📖 Compra físicamente tu álbum pic.twitter.com/GqWC8jW2IT— Guerreras Iberdrola (@IberdrolaDHF) March 9, 2021
