Desde esta semana, o BAXI Ferrol abre a súa campaña de abonos a persoas non socias para a tempada 2021/2022 na LF Endesa. O club ferrolán sumou xa máis de duascentas renovacións nos primeiros días da campaña ‘Sinte o Uni’, coa que aspiran a acadar a cifra de 1.500 socios.
Tanto as renovacións como as novas altas poderán realizarse no despacho de billetes do pavillón de A Malata, os luns, mércores e venres, de 19:00 a 21:00 horas. Todas as consultas e dúbidas poden enviarse ao mail abonadosuniferrol@gmail.com.
Canto custa facerse socio do BAXI Ferrol?
Os prezos das novas altas no BAXI Ferrol serán: Familiar (dous adultos), 120€; Familiar Base (dous adultos), 80€; Individual, 70€; Xove (de 18 a 25 anos), 35€; Nenos (de 6 a 17 anos), 15€; Nenos Base, gratis.
No relativo ás renovacións, se estas se realizan antes do 30 de xuño, o BAXI aplicará un desconto a todos os abonos, seguindo as seguintes tarifas: Familiar (dous adultos), 90€; Familiar Base (dous adultos), 60€; Individual, 50€; Xove (de 18 a 25 anos), 25€; Nenos (de 6 a 17 anos), 10€; Nenos Base, gratis. A partir do 30 de xuño os precios serán os mesmos que os das novas altas.
Mentres se leva a cabo a campaña de abonos ‘Sinte o Uni’, o club ferrolán iniciará contactos para incorporar novos colaboradores e patrocinadores ao seu proxecto na Liga Endesa. Os comercios e empresas interesados en formar parte do Club de Amigos do Uni Ferrol poderán informarse contactándo co mail uni.ferrol@hotmail.com.
