Unha das novidades que presenta o BAXI Ferrol para o seu retorno á LF Endesa é o cambio na marca de roupa que vai vestir ao conxunto departamental que se pasa á firma Wintym.
Segundo explica a entidade “despois de estudar numerosas propostas que se recibiron no club, decidiuse por asinar un acordo con Wintym, unha empresa que vai acompañar ao equipo ferrolán as dúas próximas campañas”.
Resaltan que unha das principais novidades do acordo, “é que Wintym deseñou un equipamento feminino, que se adapta perfectamente á muller e é máis cómoda, grazas a que os pantalóns teñen unhas aperturas laterais e as camisetas teñen a sisa máis curta, que non lles irá entallada á hora de xogar”.
Wintym ofrecerá tallas ata a 5XL
Por outro lado, desde o club salientan que as tallas chegan “ata a 5 XL, co fin de que todo o mundo poida optar a comprar un equipamento do BAXI Ferrol“.
Anuncian que nos próximos días, poderase empezar a comprar todos os produtos Wintym deseñados a través da tenda virtual, cuxa dirección será comunicada no momento que se poidan realizar os pedidos.
