O Club Waterpolo Pontevedra debutou na Primera Nacional Femeni-na dunha forma ilusionante e dando unha boa imaxe, aínda que rematase por perder no seu primeiro partido 18-8 contra o Simalga Real Canoe NC.
Pese a ser un novo equipo na categoría, o primeiro conxunto galego feminino en militar no ámbito estatal, e tocándolles debutar contra un dos mellores equipos da categoría, o Simalga Real Canoe NC, as galegas foron quen de comenzar o partido co marcador a favor ata a metade do partido. Chegando ao ecuador do mesmo cun ilusionante 5-6 no luminoso da piscina madrileña de Pez Volador.
E é que as xogadoras do Club Waterpolo Pontevedra empezaron con moito descaro, con intensidade e mostrando unha actitude defensiva moi boa. Pero a falta de experiencia do CW Pontevedra e un cambio no sistema de xogo do equipo rival, provocou un terceiro cuarto a ter en conta para corrixir, e é que un parcial de 9-1 en contra fixo que o marcador se distanciase e non deu opción a unha remontada das galegas ante o Simalga Real Canoe.
O equipo galego do Club Waterpolo Pontevedra durante a primeira metade sorprendeu a moitas persoas que non coñecían o traballo que están a realizar, e é que detalles que se aprenden na competición foron clave.
A pesar do resultado final de 18-8, o equipo técnico ten que analizar por partes os dous primeiros cuartos, o terceiro cuarto e o último período, para corrixir e reforzar. Segundo explican desde o CW Pontevedra: “Foi unha xornada histórica para o equipo, onde o debut dun equipo galego, e a actitude deron boa conta do que este equipo vai loitar esta tempada”.
FICHA TÉCNICA
18) SIMALGA REAL CANOE NC: Laura Vicente, Inés Egido (2), Elia Montoya (2), Marta Sánchez (2), Paula Jiménez (2), Beatriz Rodríguez, Cristina Quintanar (1), Mencía Peláez (1), Carmen Jiménez (2), Fátima Monserrat, Sara Pinilla (4), Antonia Merkel (2) e Irene Rodríguez.
8) CLUB WATERPOLO PONTEVEDRA: Alejandra Galegos, Uxía Ferreira, Valentina Restrepo (1), Karla Hernández, Iria Amoedo, Rocío Ferreira, Sara Vanegas, Izaskun Tellería (2), Andrea Fernández, Carmen Carrera (1), Irene Esteban (3), Andrea Andión (1) e Alicia Silva.
PARCIAIS: 1-2, 4-4, 9-1, 4-1
EQUIPO ARBITRAL: Aleksandar Ivackovic, José Carlos Cabello e Rafael Blanco Martín.
INCIDENCIAS: Partido da primera xornada da Primera División Femenina de Waterpolo da RFEN disputado na piscina do Real Canoe C.N. Pez Volador. Consulta aquí a acta do partido en RFEN.
Tres vitorias en Ligas Galegas do Club Waterpolo Pontevedra
O Club Waterpolo Pontevedra disputou tres partidos das ligas Galegas de Waterpolo na fin de semana, recibindo ao CW Lugo na piscina do CGTD de Pontevedra.
A principal novidade foi o debut do club lucense nas categorías infantil e cadete, algo positivo para o waterpolo galego, ampliando así o número de clubs con categorías inferiores.
O primeiro partido que se xogaba era o de Liga Galega Infantil Mixta. O equipo infantil do CW Pontevedra suma a súa segunda vitoria da tempada recibindo a un CW Lugo, nun partido repleto de niñxs por ambas as partes que xogaban o seu primeiro partido de waterpolo.
O partido serviu para que os xogadores con menos experiencia do club sumasen os seus primeiros minutos de xogo e resultase unha experiencia positiva para todo o mundo.
Polo CW Pontevedra xogaron: Diego Pazos, Daniel Martínez, Martín Puído, Adrián Peaguda, Mateo García, Victor Outeda, Miguel Fernández, Carmen Sanguinetti, David Fernández, Gabriella Smith e Mateo Pereira.
Marcador final: 11-1
A continuación xogouse o partido de Liga Galega Cadete Mixta. De novo, o CW Pontevedra enfrontábase a un club que por primeira vez competía en liga galega cun equipo nesta categoría. O partido serviu para poder rotar ao equipo en xeral e que os xogadores con menos minutos puidesen sumar tempo de xogo á vez que experiencia contra un rival novo.
Xogaron, polo CW Pontevedra: Antonio, Dani (5), Hugo (1), Adrián (4), Miguel Palacios (7), Miguel Fernández (1), Mario Touriño (2), Pablo Barreiro (2), David (1), Nico (3), Raúl López (3), Yelme (1).
Marcador final: 30-2
Por último disputouse o partido de Liga Galega Absoluta Masculina de División de Honra. O choque final desta xornada de domingo poñíano os equipos absolutos, onde o CW Lugo viña de conseguir unha vitoria na xornada inicial, e cun equipo con novidades respecto ao ano pasado. Varias fichaxes con numerosa experiencia e títulos en liga galega que lles serve ao club lucense para dar unha notable subida de nivel. O partido serviu para reencontrarnos cun exxogador local e canteirán do club, Lucas Puy.
Outro dos aspectos para apuntar é que este partido serviu como debut no primeiro equipo para tres dos cadetes do club, que veñen adestrando ben e con boa progresión: Mario Paz, Mario Touriño e Hugo González. Ao final, a vitoria quedou en casa e primeiros puntos para o equipo nesta segunda xornada.
Polo CW Pontevedra xogaron: Jose Enrique, Mario Touriño, Hugo González (1), Sergio Martínez (5), Jose Augado, Mauro, Anxo, Xoán (2), Raúl (8), Germán (1), Mario Paz (2), Pablo Teijeira (2).
Marcador final: 21-10
