Despois do parón polo Preolímpico de Belgrado onde a galega Tamara Abalde e a selección española acadaron o boleto a Toquio 2020, volve a Liga Endesa. O Durán Maquinaria Ensino enfróntase no Pazo Provincipal dos Deportes o domingo —16 de febreiro, ás 18.00 horas— contra o Campus Promete.
Catro de catro vitorias consecutivas —Quesos El Pastor, Spar Citylift Girona, IDK Euskotren e PRK Araski— leva o equipo lucense na competición. Agora mesmo é sexto na clasificación xeral con 29 puntos. Cada vez están máis cerca dos postos de play off. “É moi emocionante e a posición na que estamos da pé a pensar en iso pero teñes aos de abaixo tamén pisando forte como Zaragoza, La Seu e Tenerife que tamén están a un partido”, apuntou o adestrador do Ensino, Carlos Cantero.
As súas rivais están na décima posición con 3 menos, 26 puntos, e ademais suman dúas derrotas consecutivas ante o Spar Citylift e Quesos El Pastor. “Elas tiveron un bo momento con catro partidos gañados seguidos e ahora levan dous perdidos pero é un equipo cun adestrador nove e renovada e para nada son as da primeira volta. Teñen as ideas claras e un quinteto moi potente”, analizou Cantero.
No pasado Novembro, o Ensino impúxose por cinco puntos en Logroño
Na xornada sete, as de Carlos Cantero saíron vitoriosas cun electrónico de 55 a 60. As dúas xogadoras máis destacadas das rivais Leia Dongue e Vanessa Gidden fixéronlles as lucenses 40 puntos entre as dúas. Por parte das nosas xogadoras Kalis Loyd e Bea Sánchez —cun dous de dous desde o triplo— endosaron 26 puntos.
“Neste partido xogamos na casa e eu creo que somos máis fortes, aínda que vainos costar porque ao final non podemos dar nada por vencido pero seguro que saímos coa mentalidade de sempre. Sen darlle maior ou menor imporntacia, só mantendo que queremos a vitoria”, comentaba Laura Aliaga, a xogadora do Ensino, para As Nosas.
O seu adestrador destaca o xogo interior polas súas potentes xogadoras e quinteto. “Roselis Silva é moi boa manexando o equipo desde a posición de base, dúas tiradoras moi boas e as dúas postes que están nun momento de forma física moi bueno”.
Para esta cita Carlos Cantero contará con todas as súas xogadoras a pesar de que “teñen as típicas dolencias de adestrar pero pouco a pouco veñen de cansadas pero nada de gravedad”. Aleksandra, Kalys Loyd e Nyingifa tamén viaxon para acadar o boleto aos Xogos Olímpicos.
“Aleksandra volveu antes do previsto. Kalis desenvolveu un bo xogo, ao meu parecer, penso que foi a mellor de Suecia aínda que non alcanzaran o obxectivo final de estar en Toquio pero anotou moito e defendeu moi ben. A Nixeria vina bastante ben, conseguiron o boleto e Nyinfiga tivo presencia nunha selección moi forte con xogadoras moi boas”, concluíu o adestrador do equipo lucense.
DATOS DE INTERESE
DURÁN MAQUINARIA ENSINO: Laura Aliaga, Ainhoa López, Atonye Nyingifa, Bea Sánchez, Brittany Dinkins, Kalis Loys, Fiona O’Dwyer, Aleksandra Stanacev, Britany Miller e Shereesha Richards.
CAMPUS PROMETE: Ana Calvo, Milica Ivanovic, Leia Dongue, Carmen Miloglav, Paula Estebas, Adrijana Knezevic, Roselis Silva, Maja Stamenkovic, Jordan Lewis, Deborah Aleya e Vanessa Gidden.
DÍA E HORA: 16 de febreiro, ás 18.00 horas
CAMPO: Pazo Provincial dos Deportes – Lugo.
ÁRBITROS: Angel Antonio Albacete Chamón, Juan Gabriel Carpallo Miguelez e Alejandro Aranzana Garcia
INCIDENCIAS: Partido correspondente a xornada 20 da Liga Endesa no que enfrontará ao Durán Maquinaria Ensino contra o Campus Promete no Pazo Provincial dos Deportes.
