A División de Honra Prata está de volta despois das vacacións de Nadal. Na segunda xornada da segunda volta, a 15 da competición xeral, tres equipos galegos xogarán este fin de semana na súa casa e un desprázase fóra . Entre eles o Lavadores, o Rubensa Porriño, o A.D. Carballal e o SAR Rodavigo.
O A.D. Carballal recibe na súa casa o Ulsa. O CdeC Lavadores, contra o Tenerife. E ás de Porriño, ó Palencia. Sen embargo, o Rodavigo, terá que poñer rumbo ata as Illas Canarias. Alí enfrontarase o Tenerife.
O Municipal de Carballal acolle o Ulsa Hand Vall
Este fin de semana (o sábado 11 de xaneiro, ás 18.30 horas), o A.D Carballal medirase na División de Honra Prata contra o Comercial Ulsa Hand Vall. Será na súa casa, no pavillón municipal de Carballal.
As xogadoras adestradas por Javier Castro volveron o traballo despois dunhas pequenas vacacións. Agora, na clasificación son sétimas con o mesmo número de vitorias e de derrotas. Na xornada dúas xa se enfrontaron a este equipo. Perderon por cinco goles (34-29).
Javier Castro apuntou as súas percepcións sobre o rival para As Nosas: “Valladolid é complicado. Traballa moi ben a defensa e provoca o erro ao equipo contra o que xoga. Saen rápidas no contraataque”. En canto o partido de ida, o último foi a clave da súa vitoria: “Robáronnos moitos balóns que sempre finalizaban en gol”.
Na clasificación, están por diante das pontevedresas e levan unha racha de dous partidos gañados. Suman dez vitorias e tan só catro derrotas.
DATOS DE INTERESE
ÁRBITROS: Javier Quesada Gutierrez e Saul Menéndez Rodríguez.
CAMPO: Pavillón municipal de Carballal – Pontevedra.
O BM Tejina Tenerife visita Vigo
O CdeC Lavadores enfróntase este fin de semana (o sábado 11 de xaneiro, ás 20.00 horas) contra o BM Tejina Tenerife no municipal de Lavadores. O conxunto dirixido por Anxo Otero está con ganas de facer un bo partido e conseguir a vitoria.
Tanto o Lavadores como o Tenerife non están moi alonxados na clasificación. O primeiro está no oitavo e as da Illas Canarias no undécimo. Iso sí a diferenza de puntos e a doble (12 fronte a 6). Non é a primeira vez que se ven ás caras esta tempada. Na xornada dúas, o Lavadores perdeu por tan só tres goles (24-21).
“O rival é unha incógnita. Se teñen a todo o plantel é un bo equipo. As veces, como nas últimas xornadas faltáronlle xogadoras importantes. Todo depende un pouco para quenes viaxen”, dixo Anxo Otero para As Nosas. A parte negativa das viguesas son as baixas de Sandra Costas e Sandra López.
DATOS DE INTERESE
ÁRBITROS: José Manuel García Olavarrieta e Fernando Iñán Arias.
CAMPO: Pavillón municipal de Lavadores – Vigo.
O SAR Rodavigo enfróntase ao Lanzarote
O único equipo desta xornada que terá que desprazarse será o SAR Rodavigo. A súa cita será o sábado 11 de xaneiro, ás 20.00 horas no pavillón municipal de San Bartolomé, contra o Lanzarote Zónzamas.
Na primeira volta, o conxunto canario saiu vitorioso da pista do SAR Rodavigo. Gañaron cun electrónico de 20 a 26. Están por diante das xogadoras galegas (Lanzarote na sexta posición e as viguesas na décima). Tamén teñen o dobre de puntuación: 16 grazas a oito vitorias e cinco derrotas fronte a 8, por catro partidos gañados e dez perdidos.
DATOS DE INTERESE
ÁRBITROS: Miquel Vigo Azuaga e Oriol Grèbol Banus.
CAMPO: Pavillón municipal de San Bartolomé – Lanzarote (Illas Canarias)
O Rubensa Porriño busca a segunda vitoria fronte o Palencia
O Municipal de Porriño recibe o Palencia Turismo, o sábado 11 de xaneiro ás 20.15 horas. As xogadoras dirixidas por Miguel Fernández buscarán adaptarse rápido e recobrar as boas sensacións de xogo para ser competitivas desde os inicios do encontro.
No segundo partido desta tempada xa tiveron a oportunidade da competir. O Porriño foi o vencedor nesa ocasión cunha vantaxa amplia (22-31). Na clasificación están moi dispares. As porriñenses son novenas e as de Castela e León están na 14º posición.
“Teñen moi boa defensa e un rápido contraataque. Vannos a poñer a cousas moi difíciles. Teñen a necesidade a puntuar”, menciona Miguel Fernández para As Nosas. “Esto obligaranos a estar moi acertadas en ataque e intensas en defensa. Será o partido da paciencia”.
Se o Rubensa é capaz de superala, deixarían máis lonxe a diferenza de puntos cos postos de descenso. Están pendentes da evolución de varias xuvenís. Viron algo tocadas do Campionato de seleccións territoriais de España e serán duda ata o último momento.
DATOS DE INTERESE
ÁRBITROS: Cristian da Silva Barbadaes e Tomás Luis García Álvarez.
CAMPO: Pavillón municipal de Porriño – Vigo (Pontevedra).
