Despois do parón debido á crise sanitaria, a Copa Galicia volverase a desputar neste 2021 iniciando a competición de pista da tempada 21/22 os próximos días 25 e 26 de setembro no pavillón de San Sadurniño.
Este torneo será a antesala dunha tempada emocionante para o voleibol galego, que conta cun total de ata cinco equipos nas máximas categorías das competicións nacionais. Durante esta fin de semana os clubs participantes loitarán polo primeiro título do curso, con catro conxuntos nos partidos femininos e outros catro nos masculinos.
A competición da Copa Galicia comezará ca quenda feminina o sábado 25, co Arenal Emevé (Liga Iberdrola), Autos Cancela Zalaeta (Superliga 2), CV Ourense Aceites Abril (1ª Nacional) e CV Bruxas (1ª Nacional) loitando polo título en catro partidos programados e nos que as coruñesas defenderán o título conseguido en 2020 en Santiago de Compostela ao vencer na final.
Os partidos da Copa Galicia
Desta forma, a primeira semifinal terá lugar o sábado ás 10:00 horas entre o CV Emevé e o CV Bruxas. O seguinte enfrontamento, o da segunda semifinal, será dúas horas despois, co CV Zalaeta e o Aceites Abril CVO nas pistas.
O mesmo sábado, pero ás 17:00 horas, os dous equipos perdedores das semifinais disputarán o terceiro e o cuarto posto. A gran final da Copa Galicia terá lugar o domingo ás 19:00 horas.
