Chegou o día en que a máxima competición do rugby feminino español volvía á celebrar partidos. O CRAT Residencia Rialta segue a ser o único conxunto galego nesta Liga Iberdrola que se plantexa con máis incógnitas ca nunca.
O triunfo, esta primeira xornada foi para as coruñesas diante dun Sanse Scrum que llelo puxo complicado ás herculinas. O equipo que adestra a dupla formada por Helen Roca e Jos Porto impúxose ao final por un marcador de 17-10. Deste xeito as galegas suma catro puntos e dan un primero paso en positivo neste curso 2020 – 2021.
Tanto Sanse Scrum como o CRAT Residencia Rialta expuxeron desde o primeiro momento un partido moi serio, que deixaba ás claras que a igualdade sería a nota dominante ao longo do encontro. Tras a primeira metade dous ensaios por parte do conxunto de Helen e Jos, por tan só un das visitantes deixaban as espadas no alto.
Xa no transcruso da segunda parte do partido as coruñesas amosáronse algo máis imprecisas. De feito, cometeron numerosos fallos de disciplina que fixeron que o equipo que adestra Helen Roca e Jos Portos sufrise case até o asubío final.
Con todo, a pesar de ceder a iniciativa ao Sanse Scrum RC, o conxunto galego mostrou sobre o campo unha actitude envexable que lle fixo mesmo aumentar en dous puntos a vantaxe respecto ao descanso para colocar no marcador do partido o definitivo tanteo de 17 a 10 que lle outorgaría o triunfo e os catro puntos en xogo.
Bo nivel e plantilla ampla
Segundo informan desde o CRAT Residencia Rialta o corpo técnico do conxunto coruñés, que este ano conforma a dupla Portos – Roca, atópase moi ilusionado polo visto no campo e o traballo das súas pupilas. “O equipo mostrou un nivel alto, un carácter serio para sobreporse aos malos momentos e unha plantilla longa na que até 7 cambios saltaron ao campo sen que se vise alteración algunha no xogo do equipo. Todo iso cun potencial de mellora aínda enorme que esperan poida ser palpable partido a partido”.
Maica Martí Montoro foi elexida a xogadora Estrella Galicia
La jugadora @estrellagalicia de la victoria 17- 10 sobre @SanseRugby es
🗳️ Votacion muy igualada de #medios y #staffs de los equipos
👌 Gran debut de la nueva incorporación para esta temporada en la @DHIberdrola @ferugby
👍 Enhorabuena Maica 🏉 pic.twitter.com/gNrTzacL3B
— C.R.A.T. A Coruña 😷 (@CRAT1976) December 13, 2020
Seguinte partido en xaneiro
O seguinte cruce de Liga para as galegas será o 10 de xaneiro, momento no que renderán visita ao CR Olímpico Pozuelo. O próximo rival das coruñesa caía contundentemente diante das cocodrilas por 22-7. O vixente campión o Corteva Cocos Rugby, non tivo piedade do seu rival e empezou forte a competición. Majadahonda e Complutense Cisneros tamén gañaron os seus partidos, cumplindo esta primeira xornada da competición co guión previsto.
Logo de nove meses e medio de case inactividade, sen partidos oficiais, e sen adestramentos durante moito tempo, o inicio desta Liga Iberdrola de Rugby era toda unha incógnita. Unha pretempada curta e a xogar. É o que toca en tempos de pandemia. Se a COVID19 marcaba os finais de competición da tempada 2019 – 2020 na maioría de disciplinas, neste arranque da 2020 – 2021 está a ser o gran protagonista, protocolos de prevención, test, aprazamentos, o rugby feminino non será menos.
FICHA TÉCNICA
CRAT RESIDENCIA RIALTA (17): Judith Hernández, Alicia San Martín, Maica Martí, Maria Vega, Elena Martínez, Maisie James, Paula Alevín Medín, Mónica Castelo, Alejandra Fernández, Anita Iglesias, Jess Martín, Maitane Buján, Mariana Romero, Yanca Almeida e Paula Requena.
Tamén xogaron: Paula Burillo, Danae Viñas, Miriam Roig, Paz Marín, DiviLeis e Claudia Barrio.
SANSE SCRUM RC (10): Ainhoa Sainero, MeralAcarlioglu, Adriana Vega de Seoane, Edris Acuña, Ruth Hernando, Alma Torras, Paula Canales, Patricia Rodríguez, Blanca Die, Carolina Alfaro, Inés Palomo, María Rivas, Beatriz Domínguez, Alba García e Ingrid Algar.
Tamén xogaron: Ana Chicote, Anais Gabas e Judit Martín.
MARCADOR:
Min 8; 5-0 Ensaio Maica Martí
Min 25; 12-0 Ensaio de Alejandra Fernández transformado por Ana Iglesias
Min 39; 12-7 Ensaio de Ruth Hernando transformado por Carolina Alfaro.
Descanso
Min 51; 17-7 Ensayo de Maisie James
Min 56; 17-10 Golpe de castigo transformado por Carolina Alfaro
ÁRBITRO: Felix Villegas.
INCIDENCIAS: Partido correspondente á xornada 1 da Liga Iberdrola de Rugby femino disputado no campo de Elviña na Coruña.
Caras novas e coñecidas pisarán o verde de Elviña esta tempada
