O Dépor ABANCA retoma os adestramentos hoxe, luns 2 de xaneiro de 2023 ás 17:00 na Cidade Deportiva de Abegondo. As xogadoras que adestra Irene Ferreras arrinca o ano preparando a primeira cita de 2023. O equipo deportivista ten partido o vindeiro sábado día 7 de xaneiro en Abegondo ás 12:00 ante o CD Alba Fundación Femenino. O cruce corresponde á 14ª xornada en Primera Federación FutFem da RFEF.
As branquiazuis ocupan arestora a segunda praza na táboa clasificatoria da Primera Federación con 25 puntos, a 1 punto do SD Eibar, líder neste momento con 26 puntos nos eu haber. O rival das galegas, o CD Alba Fundación Femenino, ocupa a 10ª praza con 19 puntos no seu casilleiro.
A adestradora do Dépor ABANCA, Irene Ferreras, dispuxo catro sesións en Abegondo. Segundo informa o club deportivista “cada día que haxa traballo matinal, As Nosas deben presentarse na instalación ás 8:30 para realizar antes actividades complementarias previas a saltar ao céspede, como vídeo ou ximnasio”.
A planificación semanal, sempre susceptible de sufrir variación por razóns técnicas, é a seguinte:
- Luns 2 de xaneiro 17:00 h.
- Martes 3 de xaneiro 10:00 h.
- Mércores 4 de xaneiro: Descanso
- Xoves 5 de xaneiro 10:00 h.
- Venres 6 de xaneiro 10:00 h.
- Sábado 7 de xaneiro 12:00: Deportivo ABANCA – CD Alba Fundación Femenino, en Abegondo
