A Asociación Golfos Ártabros Escúter Clube, organiza para o próximo 25 de xullo, Día de Galicia, a “Volta ás Sete Provincias”. Un percorrido de 550 quilómetros (similar a unha viaxe dende A Coruña a Madrid), pasando por as sete capitais de provincia que, fai 190 anos, formaban o Reino de Galicia.
Explican desde a organización que “a distancia non parece moito, pero vaise facer en escúteres clásicas (Vespa, Lambretta, Iso, etc.) moitas de elas con máis de 30 anos de antigüidade. Este tipo de vehículos non foron deseñados (nin fabricados) para realizares grandes distancias e moito menos a velocidades elevadas, así que a previsión de duración da “Volta” calculase nunhas 11 horas de condución e unhas 15 horas de duración total”.
A idea é que, “por parte dos clubs escuteristas galegos, os cais apoian esta iniciativa, fagan esta Volta partindo dende unha destas capitais de provincia históricas e pasen por todas as demáis ata voltar ao seu inicio. Deste xeito conseguiremos que estéan circulando, as nosas amadas escúteres clásicas, en todo momento, e por toda a xeografía gallega, dándo así visibilidade á mesma”, detallan desde a Asociación Golfos Ártabros Escúter Clube.
“2Os membros da nosa Asociación sairemos dos alrededores da Coruña dirección Betanzos, onde fixamos o noso punto de reunión e saída con varios compañeiros do entorno do Golfo Ártabro, para dirixirnos a Mondoñedo, Lugo, Ourense, Tui, Santiago e remate na Coruña”, relatan desde Golfos Ártabros.
Paradas nas sete capitais do antiguo Reino de Galicia
No plan de ruta da Asociación Golfos Ártabros Escúter Clube está facer “parada en todas as capitais e aló sacaremos unha foto-recordo no monumento ou lugar máis representativo de dita localidade. Nestas paradas, onde contamos coa inestimable axuda dos clubes locais, aproveitaremos tamén para facer o mantemento, repostaxe das nosas escúteres, así como o avituallamento que vaiamos necesitando”.
Tamén explican desde Asociación Golfos Ártabros Escúter Clube que durante el percorrido pretenden facer “directos nas nosas redes sociais, para que todo o mundo vaia vendo cómo vai transcorrendo a “Volta”, así como subiremos as distintas foto-recordos que vaiamos tomando”.
Segundo explican desde a organización “esta é unha iniciativa da Asociación Golfos Ártabros EC, pero iso é o de menos, este evento é de todos e para todos os escuteristas galegos. Invitamos a todas as personas interesadas en participar, poñanse en contacto con algún dos responsables da “Volta”, así como a todas aquelas que nos acompañen ou nos vexan pasar, non dubiden en compartir o momento nas redes sociais, para seguir presumendo de país e de bandeira neste Día escuterista de Galicia”.
