Pleno para as galegas da Superliga 2 de voleibol. Tanto as coruñesas do Autos Cancela Zalaeta como as lucenses do Arenal Emevé impuxéronse aos seus rivais na xornada 18 da competición nacional. As herculinas gañaron na casa ante o CV Torrelavega por un 3 a 2. As da cidade amurallada venceron na súa visita ao Rivas Ciudad del Deporte por un 3 a 0.
O Zalaeta acada na casa dous puntos moi importantes
A melloría do Autos Cancela Zalaeta está confirmada. Antes do inicio, o partido era calificado de importante para distanciarse de maneira definitiva do rival. As herculinas impuxéronse no Polideportivo do Barrio das Flores ao CV Torrelavega por un electrónico de 3 a 2.
Dous puntos que resultan moi bos para as galegas e que estiveron moi ben traballados. O rival intentouno ata o final, xa que sumar para elas tamén era vital. “Estou moi satisfeito tanto polo xogo e polo resultado, xa que pudo pasar de todo e finalmente conseguimos ampliar a diferenza sobre un contrincante directo”, comentaba Jorge Barrero, o adestrador do Zalaeta, para As Nosas.
O encontro que tivo moitas fases. “No primeiro set, elas entraron cunha marcha superior, máis intensas e un punto por encima tanto en ataque como en defensa”, dicía o técnico galego. Así e todo, as locais souberon como reaccionar e gañaron con moita facilidade o segundo. No terceiro set as tornas non cambiaron e continuaron coa mesma dinámica do anterior para chegar coa vantaxe a parte final.
Foi o momento, onde as coruñesas cometeron varios erros non forzados e xogaron con pouca agresividade e iso costoulles sentenciar. “Con 2 a 1 abaixo e 20 a 17 en contra, no cuarto set a cousa parecía perdida, pero conseguimos un increíble parcial de 8 a 0 e chegamos ao quinto”, engadía o adestrador das locais Jorge Barrero.
Esto fixo que todo se decidira no tie break. “Todo o tempo fomos controlando por diante, pero un par de erros de recepción fixo que pasáramos dun 14 a 10 a favor a un 14 iguais. Finalmente cortamos a remontada e un bo bloqueo sobre Aroa, a súa atacante principal, deunos o partido”, concluía o adestrador herculino.
Trátase dunha vitoria moi importante para as do Autos Cancela Zalaeta que volverá xogar na casa ante o Rivas Ciudad del Deporte a vindeira xornada.
FICHA TÉCNICA
AUTOS CANCELA ZALAETA: Patricia Santos, Iria González, Cristina García, Claudia Gómez, Emma Ordoñez, Paula Lema, Andrea Rivas, Laura Vázquez, Carla Figueroa, Alba Quirós, Susasa Suárez, Noemí Sánchez, Carlota Vilariño e Sandra Castro.
CV TORRELAVEGA: María Segovia, Alba Salazar, Paola García, Inés Laguia, Aroa Sánchez, Noelia Neila, Lidia Dacuiña, Victoria Cubero, Guillenne Vallines e Lola Martínez-Herrera.
PARCIAIS: 19-25/ 25-12/ 23-25/ 25-20/ 16-14 (3-2, resultado global)
INCIDENCIAS: Partido correspondente a xornada 19 da Superliga 2 de voleibol no que enfrontou no Polideportivo do Barrio das Flores o Autos Cancela Zalaeta e o CV Torrelavega ante 150 espectadores.
Oitava vitoria consecutiva do Arenal Emevé na Superliga 2
Unha semana máis o volveron a facer a pesar de non facer un bo xogo. As lucenses están imparables e impuxéronse na cancha do pechacancelas da clasificación, o Rivas Ciudad del Deporte por un 0 a 3.
“O mellor que sacamos foi o resultado. Non xogamos un bo xogo posto que o rival nos puxo as cousas moi difícil durante todo o partido. Era algo esperado, xa que na ida fixéronnos o mesmo”, comentaba José Valle, o adestrador lucense, para As Nosas.
As rivais teñen unha defensa moi dura e complicoulles a táctica en todo momento as galegas. O destacable é que todo o plantel galego que se desprazou cara Madrid poideron disputar minutos todas. Como se soe decir e tamén mencionou José Valle,“borrón e conta nova”.
A vindeira semana reciben na casa ao segundo clasificado cun partido menos o Sayre Décimas en Lugo. Un partido cualificado de “final” polo plantel lucense para ver como está o equipo de cara a xogar a fase de ascenso e ter unha praza na máxima categoría.
FICHA TÉCNICA
RIVAS CIUDAD DEL DEPORTE: María Soriano, Alicia Pérez, Nerea Collado, Nuria Garrido, Beatriz Benito, Silviai García, Laura Peña, Maryam Dieguez, Laura García, Lucía de la Fuente, Andrea Gandiaga, Paula Gómez, Lydia Pajares e Ana Curto.
ARENAL EMEVÉ: Julia Paradela, Paula Lorenzo, Irene Yañez, Laura Villasante, Inmaculada Lavado, María Rodríguez, Sara Urrea, Paula Reija, Aitana Fernández, Tea Andric, Lucía Prol, Inés Rivas e Ainara Burgo.
PARCIAIS: 21-25/ 19-25/ 23-25 (0-3, resultado global)
INCIDENCIAS: Partido correspondente a xornada 18 da Superliga 2 de voleibol disputado no Pavillón CEIP José Hierro entre o Rivas Ciudad del Deporte e o Arenal Emevé ante 100 espectadores.
