Terceira xornada e aínda non chega vitoria, pero o Dépor ABANCA foi quen de amosar mellores credenciales neste choque que nos anteriores. Caeu diante do RCD Espanyol, pero a súa imaxe mellorou.
O primeiro triunfo tarde en chegar, pero xa avisaba o técnico, Manu Sánchez, que non era iso o que máis preocupaba ao cuadro galego. O realmente importante era avanzar nos mecanismos de xogo que non estaban funcionando como o adestrador quería. Hoxe, no Dani Jarque, a maquinaria estaba moito máis engraxada.
O primeiro gol das locais veu xustamente dunha ex deportivista, Maya. A nipona remataba de cabeza e o seu testarazo perforaba a meta de Sullastres. O tanto do empate asinouno Athenea del Castillo a pase de Noelia Villegas.
Con ese empate no marcador, as nosas deportivistas gañaron en confianzan e empezaron a soltarse. O seu fútbol empezou a agromar coma nos vellos tempos. Peke volveu ás andadas e a pisar área con perigo, aínda que sen éxito no remate final.
As locais buscaban verticalidade, e as galegas optaban por un fútbol combinativo. Pero á volta do descanso o encontro deu unha volta. Un balón ao pao da meta defendida por Sullastres e finalmente o gol de Cris Baudet que supoñía o 2-1.
Peke-gol
O partido entrou nuns minutos tolos de xogo. Así, en menos de tres minutos, Peke devolvía o empate ao marcador 2-2 e reencontro da deportivista co gol. Un trallazo desde fóra da área.
Faltaban 20 minutos para o final cando Maya Yamamoto volvía anotar diante do seu ex equipo. A futbolista xaponesa asinaba o 3-2 que sería o resultado definitivo do partido pese a que Alba Merino tivo o gol cerca nun tiro de falta. Pero non puido ser.
O Dépor ABANCA mellora, agora toca afinazar ese fútbol con sello de Abegondo e empezar a sumar na Primera Iberdrola 2020-21.
FICHA TÉCNICA
RCD ESPANYOL: Dossey, Elba, Turmo (Baudet, min. 50), Soldevila (Leti, min. 83), Anair, Brenda (Laura, min. 46), Julve (Débora, min. 59), Giménez (Nicart, min. 83), Maya, Vanegas e Sara.
DÉPOR ABANCA: Sullastres, Patri López (Michelle, min. 86), Ainoa, Blanco, Villegas, Alba, Arbeláez (Lady, min. 68), Kika (Lía, min. 63), Athenea, Peke e Gaby.
GOLES: 1-0 Maya (min. 17); 1-1 Athenea (min. 28); 2-1 Baudet (min. 61); 2-2 Peke (min. 64); 3-2 Maya (min. 75)
ÁRBITRO: Gallastegui Pérez (c. Vasco). Amonestó a Ainoa (min. 32); Elena Julve (min. 58); Lombi (min. 65) e Alba Merino (min. 87)
INCIDENCIAS: Partido da 3ª xornada da Primera Iberdrola 2020 – 2021 disputado no campo de herba artificial da Ciudad Deportiva Dani Jarque.
