- Un gol de Ainhoa Marín abondou ao Dépor ABANCA para impoñerse ao Alhama CF en Abegondo e sumar de tres unha xornada máis.
- A vitoria por 1-0 das galegas fainas máis fortes á fronte da clasificación e sobre todo coloca a un rival directo na loita polo ascenso a 12 puntos a falta de seis partidos para o final de Liga.
O Dépor ABANCA afrontaba líder a vixésima xornada da Primera Federación na que, logo dun parón competivo o fútbol retornaba. E o resultado foi de éxito para as galegas. O equipo que adestra Irene Ferreras suma tres puntos diante dun rival directo polo ascenso, o Alhama CF, que non llo puxo doado en Abegondo. Esta vitoria, pola mínima e pelexada, é ouro puro para as deportivista que poñen 12 puntos de por medio coas súas rivais de hoxe.
Co Barcelona B imposibilitado para o ascenso por ser filial, a loita polo premio máximo de subir á elite parece quedar clara entre as líderes, o Dépor ABANCA, e o RCD Espanyol de Barcelona. As primeiras suman 47 puntos, as pericas, 38 (cun partido menos).
Iniciábase o partido cun maior control do medio campo por parte do Dépor ABANCA e con algunhas chegadas á área do Alhama CF froito de contragolpes nos que a defensa deportivista estivo atentan para conxurar o perigo. A dupla formada por Inés Altamira e Raquel G. funcionaba coma un reloxo.
Aos quince minutos de xogo o Dépor ABANCA xa levaba varias faltas e córners botados, pero non acadaba poñer en serio perigo á gardameta rival, Laura Martínez. Aínda que sen pólvora da boa, levaba tirado máis a porta o Alhama CF e apañado máis balóns Yohana. Envíos sen complicacións, pero que en calquera momento poderían supoñer un susto para as branquiazuis.
E case pasa preto do minuto 23 cando un tiro do Alhama CF pasou lambendo o pau dereito da portaría defendida por Yohana, petando na rede, e metendo a dúbida no corpo á bancada de Abegondo sobre se a pelota entrara ou non.
Irene Ferreras ergueuse do banco para facer indicacións ás futbolistas. As visitantes estaban poñendo en máis apuros dos necesarios ás líderes da categoría na súa casa.
Adiántase o Dépor ABANCA
Foi no minuto 28 cando Ainhoa Marín entrou pola dereita do ataque deportivista, recibindo un pase de Lucía, cruzou o disparo con forza e bateu á porteira visitante poñendo o 1-0 no marcador de Abegondo e aportando tranquilidade ás filas deportivistas.
Sábese que Ainhoa Marín sempre quere máis e dous minutos despois intentou volver tirar petróleo da súa punta de velocidade. Comeulle a tostada a defensa visitante, pero o balón foi cara a Millene que mandoulle un tiro raso cruzado que ía á cepa do pau esquerdo da meta visitante, pero que atrapou a porteira evitando o segundo tanto para o Dépor ABANCA.
Ao descanso vencía o conxunto galego por 1-0. Á volta de vestuarios e segundo pasaron os minutos, houbo varios cambios por parte dos dous equipos. Entraron no Dépor ABANCA Ana de Teresa (ADT) e Samara, por Charle e Cris Martínez respectivamente.
Na segunda metade ningún dos dous equipos foi dono do xogo. No minuto 70 marcaba ao Alhama un gol que non chegou a subir ao marcador dado que previamente se lle pitara fóra de xogo ás visitantes. Rozando o 80 pasaba o mesmo cun gol de Charle a pase de ADT (que estaba en fóra de xogo).
ADT intentaba achegar perigo, pero o Dépor ABANCA estaba moi retrasado e había moitos metros para que as defensas locais deran en poñer freo ás intentonas da futbolista local.
Co tempo consumido a xusto antes de que a colexiada pitara o final case anotan as visitantes. Pero concluíu o choque co 1-0 para o Dépor ABANCA. As galegas suman de tres e dan un paso máis cara ao obxectivo final, o ascenso e o retorno á elite cos mellores equipos do futfem estatal.
O Dépor ABANCA demostrou ser un equipo consistente que sabe sufrir cando toca e traballar en bloque para acadar os puntos en xogo. Este é un conxunto de futbolistas aínda máis sólido que o do curso pasado (que xa era bo). A mellora como grupo nótase en partidos coma este, ante rivais que son duros de roer e que non poñen as cousas doadas ás branquiazuis. Saber sufrir, e aproveitar as ocasións é unha das claves do éxito a longo prazo. Este Dépor ABANCA arrecende a ascenso.
1. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
2. Clara, Dépor ABANCA / SABELA MOSCOSO
Clara, Dépor ABANCA / SABELA MOSCOSO
3. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
4. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
5. Charle, Dépor ABANCA / SABELA MOSCOSO
Charle, Dépor ABANCA / SABELA MOSCOSO
6. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO ainhoa marín
7. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
8. Irene Ferreras, adestradora do Dépor ABANCA / SABELA MOSCOSO
Irene Ferreras, adestradora do Dépor ABANCA / SABELA MOSCOSO
9. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
10. Charle, Dépor ABANCA / SABELA MOSCOSO
Charle, Dépor ABANCA / SABELA MOSCOSO
11. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
12. Lucía, Dépor ABANCA / SABELA MOSCOSO
Lucía, Dépor ABANCA / SABELA MOSCOSO
13. Raquel, Dépor ABANCA / SABELA MOSCOSO
Raquel, Dépor ABANCA / SABELA MOSCOSO
14. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
15. Inés Altamira, Yohana e Raquel, futbolistas do Dépor ABANCA / SABELA MOSCOSO
Inés Altamira, Yohana e Raquel, futbolistas do Dépor ABANCA / SABELA MOSCOSO
16. Yohana, Dépor ABANCA / SABELA MOSCOSO
Yohana, Dépor ABANCA / SABELA MOSCOSO
17. Ainhoa Marín, Dépor ABANCA / SABELA MOSCOSO
Ainhoa Marín, Dépor ABANCA / SABELA MOSCOSO
18. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
19. Henar, Dépor ABANCA / SABELA MOSCOSO
Henar, Dépor ABANCA / SABELA MOSCOSO
20. Dépor ABANCA vs Alhama CF / SABELA MOSCOSO
Dépor ABANCA vs Alhama CF / SABELA MOSCOSO
FICHA TÉCNICA
1) DÉPOR ABANCA: Yohana, Cris Martínez (Samara, 79´), Inés Altamira, Raquel García., Clara, Henar, Lucía Martínez, Paula Gutiérrez (Lía Muíños, 80´), Ainhoa Marín (Laurina, 80´), Charle (Ana de Teresa ADT, 57´) e Millene.
0) ALHAMA CF: Laura Martínez, Lena, Judith, Paula Moreno (Núñez, 65´), Estefa (Medina, 74´), Kuki (Gigi, 80´) , Astrid, Sandra, Belén, Alba Santamaría e Bastida (Raquel Pinel, 80´),
GOLES: 1-0 (28 min.) Ainhoa Marín.
EQUIPO ARBITRAL: Melissa López Osorio auxiliada por Miriam Martín Casillas e Alicia Galán Cayado dos comités extremeño e madrileño. Amosou cartón amarelo a Kuki (min.8), a Henar (min. 27), ao delegado deportivista, César Conde (min. 41), a Lucía Martínez (min. 45), a Paula Moreno (min. 53), á adestradora branquiazul, Irene Ferreras (min. 58), a Clara (min. 72) e a Belén (min. 84). Veu cartón vermello directo Judith (min. 68) por entrada a Millene.
INCIDENCIAS: Partido correspondente á xornada 20 da Primera Federación da RFEF. Boa entrada na Cidade Deportiva de Abegondo. O club fixo unha enquisa dixital ao público asistente a través dun código QR ao respecto de diferentes aspectos ligados ao Dépor ABANCA. Ao final do partido fíxoselle entrega a Lía dunha camisola co número 100 para conmemorar os seus 100 encontros como deportivista. As súas compañeiras fixéronlle un pasillo e manteárona no centro do campo ante o aplauso da afección branquiazul. Lía Muiños é a quinta xogadora do deportivista en acadar os 100 partidos coa elástica branquiazul. Antes conseguírono: Cris Martínez (196), Gaby (117), Iris (107) e Peke (106).
